E-Mail
留言版
台語聖經造字請大家踴躍提供修正。謝謝
8/12/04起：歌詞修正 593 字，人次上網
E-Mail
留言版
台語聖經造字
1 無行歹人道路 A 詩1:1-6
1.無行歹人道路，存心不敢惡毒；暝日三思上帝法度，這人真正有福。
2.這人如樹一般，栽佇有水溪邊；沒凋它葉茂盛好看，照時果子會生。
3.所做各項興旺，上帝賜他大福；予他死後上到天堂，踮佇上帝的國。
4.歹人冇粟一般，都是無用的物；予風吹開立刻四散，歹人上帝不得。
5.遇著審判日子，好歹都總分離；好人天頂享受福氣，歹人與主相離。
2 列邦啥事亂亂喧嘩 Ab 詩2:1-12
1.列邦啥事亂亂喧嘩﹖百姓空空服勞﹖世上君王列國諸侯，同心聚集計謀。
至尊上帝趩敢背逆﹗與主來做對敵！離開聖經真道極遠，律法所綁扯斷。
2.天頂主宰永坐高位，藐視反叛黨類；深深怨恨怒氣譴責，刑法真重至極。
主講我立君王做大，威嚴坐佇郇山；主抬鐵拐嚴嚴治理，打趩親像磁器。
3.列王得來承受教示，官民得趁道理；一邊歡喜一邊驚惶，敬畏上帝尊名。
人子受氣比火較熱，驚了路中受滅；得緊緊來反悔降服，靠祂永遠享福。
3 謳咾稱呼主耶和華 Bb 詩8:1-9
1.謳咾稱呼主耶和華，𧃸名全地極大；𧃸將榮光排設佇天，真正偉大奇異。
2.𧃸對兇猛的大對敵，顯出奇妙能力；吃乳嬰仔也欲顯明，能予對敵靜靜。
3.抬目看主所造的天，𧃸排列月與星；人是什麼𧃸思念他，也眷顧他子兒。
4.他比天使釐仔較輸，尊榮冕旒都有；𧃸設立他管理一切，萬物置他腳下。
5.飛鳥走獸海內的魚，都總降服佇他；天父上帝主耶和華，𧃸名全地極大。
4 主啊，是誰會倘寄腳 Eb 詩15:1-15
1.主啊是誰能倘寄腳 踮佇𧃸的布棚 主耶和華𧃸的聖山 是誰能倘徛起
2.就是所行正直的人 所做也是公義 佇他心內所想逐項 說出誠實情理
3.他無用舌來加誣人 無惡款待朋友 他對厝邊無尋空縫 無想欲報冤仇
4.他用目睭看輕匪類 尊重愛主的人 發出咒誓雖受剋虧 也無變換搖動
5.他銀借人無為利息 無受賄賂作惡 此號的人得主能力 永永堅固自在
5 天頂說起上帝榮光 F 詩19:1-4, 7ff, 14
1.天頂講起上帝榮光 穹蒼報揚主齊全 日暝相續 無言無語 傳出知識真豐富
2.趩的聲音無可聽見 準繩遍滿到天邊 趩的言語到佇萬邦 主為日頭安帳房
3.上帝律法至極齊備 使人心神得活氣 祂的干證確實有益 憨人聽了有智識
4.耶和華正直的教示 能使人心神歡喜 耶和華清潔的命令 能使人目睭光明
5.耶和華我堅固石磐 懇求𧃸來救贖我 我口所講 我心所想 願𧃸接納如芳香
6 主耶和華是我牧者 F 詩23:1-6
1.主耶和華是我牧者 我無欠缺一件 青翠草埔使我徛起 導到安靜水邊
2.使我靈魂精英醒悟 導我行義的路 我雖行過死蔭山谷 免驚死亡凶惡
3.雖有危險免驚災害 因為我主同在 用𧃸的棍顧守保庇 用柺安慰扶持
4.對敵面前排設筵席 給我各項夠額 佇我頭殼用油來抹 使我的杯滿滿
5.恩典慈悲的確跟我 到盡一世無息 我要永遠快樂安住 佇耶和華的厝
7 地與其中所充滿的 C G 詩24:1-6
1.地與其中所充滿的 攏總屬主上帝 祂將地建立佇海面 安置佇水頂面
2.是誰能上上帝聖山 豎祂聖的所在 清氣的手清潔心肝 誠實是主所愛
3.心無虛假無存奸詭 這人主必賜福 且從上帝得著恩惠 趩是尋主民族
8 城門，得舉起恁的頭 Eb (哈利路亞) 詩24:7-10
1.城門當舉起恁的頭 榮光的王臨到 永遠的門當受舉起 迎接君王入去
榮光的王祂是是誰 是主至尊至貴 祂有氣力有大權能 萬民應該恭敬
祂有氣力有大權能 萬民應該恭敬
Coda 哈利路亞！*5 阿們！*3
2.城門當舉起恁的頭 榮光的王臨到 永遠城門頭當舉高 大君王必凱旋
榮光的王祂是是誰 是主至尊無對 萬軍的主是耶和華 咱得謳咾無息。
萬軍的主是耶和華 咱得謳咾無息。
9(26) 至高的主做我的光 Ab 詩27:1-9
1.至高的主做我的光 又祂共我救命 做我性命的大氣力 什麼能使我驚
2.雖然對敵大陣紮營 我心不免搖泏 雖然有起交戰要打 我能自在無擦
3.我曾對主討一項事 致意欲求此層 可一世人徛起祂厝 看主美妙燦爛
4.災難的時祂要蓋我 藏密佇祂布棚 危險的時置我高高 佇石磐頂徛起
5.主彼時對我講此句 大家著來覲我 我的心肝有應祂講 主啊 我愛近倚
6.使我得救我的上帝 求𧃸面勿得掩 𧃸曾幫助不可放拺 勿得趕我遠遠
10 過失得赦罪得遮蓋 Eb 詩32:1-6, 10
1.過失得赦罪得遮蓋 這人真正有福 上帝不給他算不義 此人實在快樂
2.我曾恬恬不愛祈禱 無愛認我的罪 主手暝日壓我真重 彼時身軀愈衰
3.對𧃸排列我的罪過 無隱藏我罪愆 我講要認我的過失 𧃸就給我赦免
4.虔誠的人趁時尋𧃸 著求叫我的主 大水淹到滿流直界 不到彼人身軀
5.壞人受著多多苦難 總是人倚靠𧃸 慈愛憐憫包圍幫贊 為主當大歡喜
11 上帝至高，我愛稱讚 Eb 詩34:1-10
1.上帝至高我愛稱讚 常常謳咾出聲 嘴都不恬心神思念 誇口我主的名
2.謙卑的人聽見此項 能拿祂做歡喜 今咱大家稱讚上帝 祂名著𧃸興起
3.所驚的事我曾求主 祂都給我除了 舉頭看祂就得福氣 面不遇著見誚
4.今咱大家做主聖者 當敬畏祂的名 主有恩惠人若敬畏 就無久缺一件
5.獅子曾飢欠食等候 四處討食空空 凡若尋主無欠好事 好物無欠半項
12 心內勿為惡人不平 Eb 詩37:1-7a, 16
1.心內勿為惡人不平 勿怨不義興盛 趩親像草不久受割 快快枯焦就息
2.得偎靠上帝來行好 用誠實做至寶 看耶和華來做歡喜 所求祂要予你
3.將你的大誌交代主 偎靠祂免掛慮 祂要予你的義光明 得等候得靜靜
4.義人所有雖然少少 平安歡喜笑笑 贏過多多歹人富有 所欠用主賞賜
13 我曾吞忍等候上帝 B 詩40:1ff, 8, 10
1.我曾吞忍等候上帝，曾盼望我的主；祂俯耳孔聽我祈禱，所求祂有賞賜。
2.從深陷坑從塗泥中 祂有牽我出來 予我的腳立石磐頂 予我行路自在
3.使我的嘴唱新的歌 吟詩謳咾感謝 百姓多多看見驚畏 來倚靠主的名
4.我的上帝𧃸的旨意 我以它做快樂 𧃸的律法佇我心內 願我作𧃸奴僕
5.𧃸的公義未曾隱藏 我曾四處報揚 𧃸的誠實拯救的恩 講起佇大會中
14 如鹿賛直直走 F 詩42:1-8
1.如鹿賛直直走 口渴愛飲溪水 我心欣慕愛到 上帝所住彼位
2.我的心神口渴 欣慕真活上帝 愛踮祂面前豎 何時能到彼位
3.對敵沓沓賛問 你的上帝何位 我心艱苦不算 因為與主離開
4.何事失志不安 心神著望主名 祂面向我愛助 我要謳咾感謝
5.佇日時耶和華 要用仁慈助我 暝時使我唱歌 謳咾感謝無息
15 求上帝發𧃸的光 G 詩43:3ff
1.求上帝發出𧃸的光 以及𧃸的真實 來引導我上到聖堂 倘與天父親蜜
2.我真愛到上帝祭壇 我心就能歡喜 我欲彈琴出聲唱歌 謳咾上帝仁義
3.我心合事煩惱憂悶 你當盼望上帝 我尚且欲謳咾主恩 祂是我的天父
16 上帝是阮逃閃所在 Eb 詩46:1-10
1.上帝是阮逃閃所在，佇患難中即時幫贊；地雖變遷山移到海，阮也無驚踮主中間。
2.至高的主所踮聖城，的確永遠不會搖動；上帝出聲列國攏驚，祂能幫贊暝日無間
3.萬軍的主與阮佇賛，做阮高臺保護所在；當來看主奇妙所做，予地荒廢到真厲害。
4.祂抑折弓亦斬斷槍，火燒戰車交戰攏息；祂名顯赫佇遍地上，世界萬民尊祂做大。
17 上帝講出來召天下 G 詩50:1-6, 14f
1.上帝講出來召天下 從各所在召眾大家；由錫安山美麗齊全 主耶和華發出大光
2.上帝欲來不是靜靜 有火焰焰佇祂面前；祂的四圍大風真透 用大威嚴顯赫臨到
3.主叫天地都當注意 祂要本身審判百姓；眾人當來到主面前 上帝公義極其顯明
4.謝你的願照你所下 感謝為祭獻予上帝；患難的日當求叫祂 主必憐憫來拯救你
18 上帝慈悲無窮無盡 Eb 詩51:1-10
1.上帝慈悲無窮無盡 懇求施恩給我 天父顯明至大憐憫 擦消都總罪過
2.我認過失不敢推辭 常常憂悶反悔 主洗我惡各項清氣 赦我一盡無罪
3.上帝我有犯罪佇𧃸 佇𧃸面前悖逆 上帝審判實在公義 應該重重譴責
4.父母生我性情敗壞 本然污穢至極 誠實的心是𧃸所愛 懇求給我智識
5.救主寶血洗我靈魂 較白霜雪色緻 我身疼痛滿心鬱悶 求𧃸使我歡喜
6.擦滅我罪無再責備 免受嚴嚴審判 創造心神一盡清氣 性情重所改換
19 懇求天父勿得趕我 Eb 詩51:11-18
1.懇求天父勿得趕我，離開主𧃸的面；求主上帝勿得從我 收回𧃸聖的神。
2.求𧃸予我得著憐憫，享受救恩快樂；閣賞賜我自由的神，扶持幫贊賜福。
3.我就將𧃸道路傳報，人就要歸順𧃸；救我脫離㻐人罪過，謳咾上帝公義。
4.主啊求𧃸開我嘴唇，報揚𧃸好名聲；燒祭禮物𧃸所厭恨，痛悔𧃸就必聽。
5.求主照𧃸極好意思，求好款待錫安；起造聖城堅固的厝，福氣久長無限。
20 我心專務等候上帝 G 詩62:1-5, 9-12
1.我心專務等候上帝 拯救是從祂來 祂是石磐堅固營寨 予我安然豎在
2.恁攻擊人續毀壞他 如揠傾斜的牆 相與計謀要到何時 壞事怎欲復想
3.趩口祝福心內咒詛 復亦歡喜白賊 我心靜靜不免艱苦 等候上帝監察
4.卑微的人真正空虛 尊貴也是暫時 置佇天秤的確能浮 較輕呼吸的氣
5.勿靠暴虐驕傲搶取 勿想財寶加添 權能慈愛屬佇上帝 照所行報應他
21(437) 上帝真正是我上帝 G C 詩63:1-7
1.上帝真正是我上帝 趁早我要尋祂 思想思念不能得過 一目瞬久無離
2.我心盼望上帝的恩 親像亢旱艱難 愛得滿天忽然起雲 遂落大雨沃田
3.上帝降恩給我夠額 我口應該謳咾 骨髓油膩雖然好食 不值祂恩的好
4.暝間倒床眠夢記念 上帝愛疼慈悲 上帝翼下我穩當踮 安穩自在歡喜
22 主耶和華，錫安有人 Eb 詩65:1-5
1.主耶和華，錫安有人謳咾賛等候𧃸；欲對𧃸謝所下的願，心肝感謝歡喜。
2.聽人祈禱的主上帝，萬民愛親近𧃸；罪惡贏我阮的罪債，𧃸要赦免醫治。
3.予𧃸所揀的親近𧃸，踮𧃸院內快樂；上帝聖殿的大福氣，予阮心滿意足。
4.拯救人類的主上帝，要用公義應阮；地極海面阮眾大家，都靠𧃸到永遠。
23 主眷顧地降落雨水 C 詩65:9-13
1.主眷顧地降落雨水，予地得著真肥；上帝的河水都滿滿，備辦五穀歸山。
2.𧃸用雨水灌沃田園，潤澤土地軟軟；地所發生得𧃸賜福，萬物都總快樂。
3.恩典成做年冬冕旒，地用五穀做幔；草埔用羊來穿做衫，趩都歡喜出聲。
24(301) 凡若心肝清氣的人 D 詩73:1-5, 16ff, 23-26
1.凡若心肝清氣的人 能得上帝愛疼 總是論我腳險趄倒 險險無倘倚靠
2.因為我看惡人興旺 心就扒腹擾動 驕傲的人得著大興 彼時我就不平
3.趩有氣力身軀勇健 將死也無疼痛 趩無親像別人勞苦 無受災禍苦楚
4.我心真愛明白此層 看了實在為難 到我進入𧃸的聖所 心肝就無艱苦
5.𧃸將趩置滑滑的地 趩就沈淪荒廢 我若常常與𧃸徛起 𧃸要扶持教示
6.𧃸用真理來引導我 進入光明永活 除𧃸以外無倘欣羨 做我基業永遠
25(162) 萬軍的主至聖的厝 G G 詩84
1.萬軍的主至聖的厝，是𧃸徛起所在；主耶和華𧃸所肯住，彼位我大意愛。
2.我心戀慕愛得有路 倘到上帝的厝 心神肉體求叫上帝 永永活活的主
3.佇主壇邊雀鳥徛起 燕子作巢好勢 安穩自在佇𧃸厝內 我王我的上帝
4.近偎佇𧃸佇遐徛起 彼人真正有福 有主倘靠時常謳咾 暝日享受快樂
5.一日覲𧃸聖殿徛起 較贏千日的久 我願顧門佇主殿堂 無踮歹人的厝
6.主耶和華若日一般 若準盾牌保護 恩典榮光𧃸賜齊全 導人行𧃸正路
26(9) 主耶和華，天要稱讚 Ab 詩89:5-9, 11-14
1.主耶和華天要稱讚 𧃸所行的奇事 佇眾聖徒聚會中間 傳𧃸信實富有
2.空中是誰能比得𧃸 眾人是𧃸子類 上帝極大威嚴無比 萬民應該敬畏
3.萬軍的主至高上帝 權能實在極大 海中大水受𧃸管制 𧃸使風浪都息
4.天頂屬𧃸地也屬𧃸 萬項是𧃸造成 南北由𧃸創造地基 山亦稱讚𧃸名
5.主𧃸聖手有大權能 舉高保護正義 慈愛誠實義理公平 是𧃸寶座地基
27 上帝做阮代代幫贊 C 詩90:1f, 4f
1.上帝做阮代代幫贊，亦是將來盼望；予阮閃避大湧風颱，永踮安穩所在。
2.全能寶座蔭影下面，聖徒徛起安心；上帝聖手夠額倘靠，做阮穩當保護。
3.眾山尚未生出以前，世界尚未形成；𧃸從永遠就是上帝，久長不變無替。
4.從𧃸來看雖然千年，親像過了一暝；暗時一更實在真短，一目瞬久就過。
5.光陰賛過親像大水，一盡予它流去；功名富貴宛然眠夢，實在都是空空。
6.上帝做阮代代幫贊，復做將來盼望；遇著艱苦求𧃸照顧，做阮永遠門戶。
28 徛起至高隱密所在 D 詩91:1-6, 10, 12, 15
1.徛起至高隱密所在 佇主安全地帶 彼人踮佇全能蔭影 平安福氣久長
2.我要講起自然有的 祂做我的山寨 且也做我的避難所 永遠使我倚靠
3.祂必救你脫離羅網 逃閃瘟疫苦痛 祂的誠實做你盾牌 翅股攔你無害
4.暗暝更深雖然倘驚 你也都免驚惶 日時賛飛的箭厲害 倚靠上帝無礙
5.佇黑暗中瘟疫流行 心倘安然平靜 日午毒症使人死亡 你也勿得煩惱
6.祂要為你吩咐使者 保你路途好行 用手扶你保護愛惜 你腳不觸著石
7.你若求叫祂就應允 賜你尊貴名份 危急的時與你同在 予你平安自在
29 至高的主阮愛感謝 G 詩92:1-8
1.至高的主阮愛感謝 唱歌謳咾𧃸名 早起報揚𧃸的慈愛 暗時也報人知
2.彈琴彈瑟莊嚴聲音 我欲歡喜來吟 𧃸手所做怎能許大 心思極深極闊
3.惡人興旺親像野草 滅亡時期快到 主耶和華𧃸是至高 從永遠到永遠
30 上帝穿大威嚴做王 A 詩93:1-5
1.上帝穿大威嚴做王 用大能力來縖 世界就堅固不搖動 寶座建立極昔
2.主耶和華永遠管轄 雖然大水發聲 𧃸坐高位有大氣力 海湧決斷不贏
3.主耶和華𧃸的干證 真正確實堅固 上帝殿院永遠做聖 眾人應該欣慕
31 咱當感謝主耶和華 A 詩95:1-7a
1.咱當感謝主耶和華 做咱拯救石磐 大家當來到祂面前 出聲謳咾無停。
2.萬主的主至大上帝 贏過世間一切 高山深坑佇祂手中 祂是萬王的王
3.洋海乾地是祂創造 咱得恭敬謳咾；跪佇創造的主面前 鞠躬敬拜虔誠
4.因為祂是做咱上帝 施恩直到萬世 咱是祂的羊群百姓 受祂照顧養飼
32 全地攏當向耶和華 A 詩96:1-13
1.全地攏當向耶和華 歡喜來唱新歌 日日傳報祂大救恩 感謝謳咾敬尊。
2.佇列邦中講祂榮光 奇妙所做齊全 上帝極大至尊無對 眾人應該敬畏
3.列邦的神攏是虛假 只有祂是上帝 威嚴尊貴佇祂面前 顯出榮光權能
4.百姓各族當將權勢 榮光歸給上帝 主的聖名堪受榮光 帶禮物入殿堂
5.上帝做王審判百姓 天地快樂歡喜 海與其中所充滿的 攏出大聲無替
6.田園樹木攏總歡喜 佇主面前吟詩 祂照公義審判世界 信實審判四海
33 向耶和華來唱新歌 A 詩98:1-9
1.向耶和華來唱新歌 祂行奇妙滿滿 上帝聖手施行拯救 使人知可承受
2.佇列邦人的目睭前 顯明祂真公平 紀念祂對以色列家 慈愛信實無假
3.全地當出歡喜的聲 謳咾上帝尊名；彈琴吟詩也吹哨角 佇主面前作樂
4.世界萬物攏當出聲 稱讚上帝聖名 祂要臨到審判列邦 公平審判萬人
34(508) 王下萬邦 萬國 萬民 Ab 詩100:1-5
1.天下萬邦萬國萬民，一齊來偎上帝面前；大聲吟詩謳咾祂真，上帝至尊人人得敬。
2.上帝以外無別上帝，咱做百姓祂來生咱；天頂地下獨祂一個，至大至尊得來頌讚。
3.大家？入殿堂門內 同心同力敬拜上帝；上帝的恩到萬世代，較高佇天較闊佇地。
4.天下萬邦萬國萬民，心肝歡喜稱呼上帝；上帝慈悲愛疼憐憫，長長久久永遠�瘂o。
35 我心實在謳咾 F 詩103
1.我心實在謳咾，因為上帝大恩；救我性命免致滅亡，誠心實意敬尊。
2.上帝大大慈悲，赦我都沒罪過；又且日日照顧養飼，我病得著醫好。
3.上帝除我罪惡，若東離西的遠；若天離地高oh測度，慈愛難得推算。
4.親像父母愛疼，憐憫所生的子；上帝亦愛敬祂的人，贏過父母的愛。
5.咱人性命若花，大風來吹就謝；上帝慈愛永遠沒廢，久長施恩沒厭。
6.我心謳咾上帝，天使相與頌讚；天頂地下合做一個，歡喜感謝無限。
36(140) 我主耶和華 𧃸名是至聖 A 詩104:1-11, 14, 19-24
1.我主耶和華 𧃸名是至聖 𧃸將極尊榮與威嚴來穿
開穹蒼如帳幅 用雲來做車 水中安置樓閣 用風做翼行
2.風做𧃸使者 火做𧃸差用 地永無搖泏 置佇地基頂
𧃸使水泉湧出 流落佇山腳 野獸有水可飲 野驢得止渴
3.𧃸使地發草 精牲食有夠 使菜蔬大欉 可供給眾人
𧃸用月定時期 使日頭落海 𧃸使暗做暝時 百獸就出來
4.日頭一下出 百獸就躲穴 人出去服勞 通日賛做工
全能上帝所造怎樣能許多 𧃸用智慧造成 遍滿佇全地
37 恁當稱謝主耶華 Eb 詩107:1-9
1.恁當稱謝主耶和華 慈愛永遠無息 人從各國受主贖回 應該當講這話
2.趩佇曠野四處飄流 淒慘無人可救 無城可徛飢又口渴 心神暈去枯乾
3.佇苦難中對主哀求 祂就可憐拯救 備辦直路復導趩行 到可徛起的城
4.主行奇事顯出慈愛 願人謳咾敬拜；欣慕的心得著飽足 常常歡喜快樂
38 上帝有對我主講明 Ab 詩110:1-7
1.上帝有對我主講明 𧃸坐佇我的大旁 我將使𧃸得著勝利 對敵做𧃸腳踏椅
上帝必從錫安使𧃸伸出能力的柺高高 對敵歸順被𧃸管
2.聖徒佇𧃸出軍日子 穿聖衣奉獻自己 𧃸的壯丁攏來近倚 如透早露水好看
上帝咒誓永無退悔 𧃸是公義平安君王 永做祭司受尊崇
3.公義的主怒氣日子 打敗列王大勝利 祂要佇列邦中審判 惡人身屍就遍滿
祂要打破對敵頭殼 祂飲路邊賛流溪水 頭殼舉高極尊貴
39(304) 一切榮光莫歸予阮 Eb 詩115:1-11
1.一切榮光莫歸予阮 得歸主𧃸聖名 啥事得予外邦宣傳 講趩上帝無影
2.咱主上帝佇天寶座 照祂所愛來行 趩的偶像是人所造 嘴�癶蕈}�𡢞�
3.眾以色列恁得靠主 做恁幫贊盾牌 亞倫的家也得靠主 祂要賜福落來
40 我心敬疼主耶和華 F 詩116:1f, 12-19
1.我心敬疼主耶和華，聽我懇求的聲；祂俯耳孔歡喜聽我，我欲求叫祂名。
2.主賞賜我恩典真多，我得怎樣報答？我欲捧起救恩的杯，願𧃸歡喜鑒納。
3.我做奴僕是屬佇𧃸；𧃸有脫開我罪；主看𧃸聖百姓的死，實在做真寶貝。
4.我欲佇眾百姓面前，對主謝我的願；佇𧃸聖城耶路撒冷，謳咾主到永遠。
41(192) 恁當感謝主耶和華 C 詩118:1, 19-26
1.恁得感謝主耶和華 慈愛永遠佇的 開義的門使我近偎 入去感謝獻祭
2.這是上帝聖所的門 義人應該入去 主𧃸拯救實在齊全 旦我欲感謝𧃸
3.師阜所曾棄拺的石 成做厝角地基 這是上帝本身定著 大家看做神奇
4.這是主所定著日子 咱要歡喜快樂 求𧃸拯救使阮興起 阮就得著大福
5.奉主聖名入來的人 應該得著福氣 從主的厝賜福各項 咱得感謝吟詩
42 我的目睭欲舉高來向山 G 詩121
1.我的目睭欲舉高來向山，欣慕我主：我的幫贊是從哪落予我，哪落賞賜？
我一切幫贊從耶和華來， 祂是創造天地的大主宰。
2.我主不要予你的腳搖泏，賜你平安；主保守你沒瞌眠賛觀看，照顧幫贊；
主在早保守以色列百姓， 祂沒瞌眠顧你沒睏常醒。
3.主保守你直到永遠久長，都無變換；祂佇正旁賛做你的蔭影，保護引導；
光明日時太陽都�㼄邟A， 安靜暝時月光也�寗`你。
4.主保守你免受一切災害，賜你活命，主保守你予你性命無礙，心神安定；
主要保守你出入得平安， 主祝福你從此時到永遠。
43 人對我講，今咱來去 A 詩122:1-9
1.人對我講今咱來去 主耶和華的厝 彼時我心至極歡喜 煩惱一盡消除
2.上帝聖城耶路撒冷 阮來豎𧃸殿內 城受建造連絡齊整 選民謳咾敬拜
3.佇彼主設審判寶座 是屬大闢的家 當替聖城祈求平和 愛𧃸享福無替
4.願𧃸城內享受平安 願𧃸宮內安樂 為阮同伴佇彼中間 願主施恩賜福
5.為咱上帝主耶和華 至聖的厝緣故 我欲替你求主無息 願祂賜福幫贊
44 以色列族，你得照誠實說 G 詩124:1-8
1.以色列族你得照誠實說，若不是上帝伸手照顧阮，若不是上帝本身保護阮，
當時對敵起來欲攻擊阮，發大怒氣阮就予趩吞去。
2.彼時艱難若水淹阮身軀，親像大水兇狂欲淹阮死。感謝上帝有拯救阮脫離，
對敵欲吞親像勇猛野獸，感謝上帝伸出權能的手。
3.阮親像鳥對敵有設羅網，阮曾受捉四面無倘盼望。羅網破裂阮靈魂就釋放，
主耶和華創造天地主宰，阮靠祂名永遠免受陷害。
45(364) 厝若不是主給咱起 Ab 詩127:1-5
1.厝若不是主給咱起，就起是打損工；城若不是主守齊備，就人顧城空空。
2.恁早早起磨到暗暝，賺食是無採工；賛睡的時主將好物 予祂所愛的人。
3.子孫多多佇厝整齊，如準勇士的箭；囝仔大小是主寶貝，是咱產業福氣。
46 我從深深陷坑 D 詩130:1-7
1.我從深深陷坑 求叫我主的名 主𧃸著傾耳孔 聽我懇求的聲
2.罪惡主若究勘 什麼人豎能住 總是𧃸有憐憫 赦罪的恩奇妙
3.我賛等候上帝 心神定定賛等 我仰望主的話 心神就不厭懶
4.比人暗時守更 盼望天定較切 比人守更望光 我心望主較熱
5.恁眾以色列人 著盼望耶和華 祂有豐盛救贖 恩典憐憫滿滿
47(59) 我的上帝﹗我的君王！ Eb 詩145:1-9
1.我的上帝我的君王！𧃸名我欲永遠尊崇；主耶和華至高至大，�𡩋桭凭蛃朽f滿滿。
2.此代要對彼代謳咾，𧃸的權能四廓傳報；我欲想𧃸奇妙所做，尊貴榮光威嚴�瘂o。
3.𧃸的公義權能偉大，我欲講起予人都知；趩欲報揚主𧃸大恩，唱歌謳咾暝日敬尊。
4.𧃸有恩惠復有憐憫 無快怒氣慈愛無盡；施恩庇蔭一切受造，用心感謝用口謳咾。
48 主耶和華 𧃸造的物 D 詩145:10-21
1.主耶和華𧃸造的物，欲謳咾感謝𧃸；𧃸聖百姓也欲稱讚，𧃸名榮光無限。
2.趩講起𧃸國度尊榮，談論𧃸大權能；主𧃸所做世人得知，掌權直到萬代。
3.凡若軟弱跌倒的人，主要扶持愛疼；凡若受人壓制藐視，主要將趩扶起。
4.萬民舉目一齊向𧃸，照時𧃸賜食物；主𧃸若開聖手的時，趩就飽足滿意。
5.主耶和華行做偉大，都有公義慈愛；人若誠實對主求恩，祂要與趩親近。
6.敬虔的人主聽趩求，予趩得著拯救；咱得謳咾主耶和華，稱讚祂名無息。
49 恁當對主出聲吟詩 E 詩147:1-9
1.恁當對主出聲吟詩 稱讚祂名無息 真好真妙又是合宜 歡喜謳咾唱歌
2.耶路撒冷是主起造 聚集遷徙的人 凡若傷心祂必醫好 醫治傷痕苦痛
3.星辰數額祂都齊算 隨粒給它號名 權能極大智慧齊全 所講各句都成
4.主的公義續到萬世 扶持謙卑的人 惡人祂必使趩降低 到尾歸佇空空
5.主耶和華起雲遮天 備辦雨水夠額 山野發草走獸食物 應該謳咾感謝
50(132) 當謳咾耶和華 D 詩148:1-14
1.當謳咾耶和華 從天頂謳咾祂 眾使者當近倚 眾天軍當吟詩
佇天發光日月星辰 都當謳咾祂名無盡
2.頂面的天與水 恁都當來謳咾 因為上帝出嘴 萬物都受創造
祂將各項永遠建造 祂有定例不能廢無
3.一切深淵大魚 火與雲霧冰雹 樹木所結果子 山頂所有花草
野獸飛鳥禽牲虫豸 都當謳咾祂名無息
4.世上君王萬民 一切貴族官長 青年男女世人 大小男婦老幼
都當對主謳咾稱讚 因為主名尊貴無限
5.獨一無二真神 榮光𧃸過天地 祂有興起選民 予趩稱讚無廢
以色列人主的百姓 恁當對主謳咾吟詩
51 聖哉﹗聖哉﹗聖哉 Eb 啟4:8
1.聖哉聖哉聖哉，全能大主宰， 咱當齊聲唱歌，謳咾主耶和華；
聖哉聖哉聖哉，掌理天地與海，謳咾上帝至尊至高至大。
2.聖哉聖哉聖哉，萬聖都敬拜， 冕旒感恩尊崇，奉獻佇寶座前；
千千萬萬天軍，暝日謳咾敬尊，出聲感謝永遠上帝大恩。
3.聖哉聖哉聖哉，全智大主宰， 萬民大聲吟詩，謳咾上帝慈悲；
聖哉聖哉聖哉，尊崇到萬世代，謳咾三位是獨一的主宰。
52 榮光歸佇聖父上帝 Bb 啟5:13b
1.榮光歸佇聖父上帝，榮光歸聖子上帝；榮光歸佇聖神上帝，榮光歸三位一體。
榮光榮光榮光上帝，榮光主到萬萬世。
2.榮光歸佇愛咱的主，洗咱罪過無瑕疪；榮光歸佇贖咱的主，與主作王萬年久。
榮光榮光榮光上帝，榮光主替咱獻祭。
3.榮光謳咾到萬萬年，眾天使作樂吟詩；國權榮光無盡無窮，謳咾充滿宇宙中。
榮光榮光榮光上帝，萬王之王到萬世。
53(510) 全能獨一的王 G 創17:1
1.全能獨一的王，阮人所得尊崇，常常敬奉，
暝日顧阮無離，逐時施恩保庇，深深愛阮大家，續到天下。
2.永活的道耶穌，阮人所得稱呼，𧃸有看顧，
甘願替人釘死，予人罪屬脫離，又使眾人中保，予人偎靠。
3.至尊真理的神，權能感化萬民，予人換新，
歡喜踮人心內，贊阮放棄壞事，做阮大家先生，導阮到天。
4.謳咾三位一體，造化萬民的父，愛人上帝，
仁慈施恩普遍，公義威嚴顯然，賞罰沒有偏情，都照公平。
54 同心謳咾天父 G 詩63:3
1.同心謳咾天父，自然永活上帝；愛疼憐憫無窮無盡，照顧天頂地下。
2.謳咾耶穌尊名，上帝獨生的子；功勞極大贖人罪過，替咱放棄生命。
3.謳咾上帝聖神，權能感化萬民；從天降臨踮人的心，予咱改舊換新。
4.謳咾三位一體，父子聖神上帝；至尊至大主耶和華，謳咾到萬萬世。
55 我信全能上帝 Bb 羅10:9
1.我信全能上帝，永遠做我天父；仁愛榮光權柄齊全，公義治理天下。
2.我信耶穌基督，甘願贖人罪惡；釘十字架獻身做祭，仁愛�𡩋桭凭蛂C
3.我信真理的神，降臨感化萬民；改人舊性換人品行，予我得著重新。
4.我信三位一體，父子聖神上帝；同體同性同心同情，尊貴榮光無替。
56 亞伯蘭的上帝 A 創28:13
1.亞伯蘭的上帝 高高統治萬有 古早就有直到萬世 仁愛的主
獨一自然而然 天頂地下同認 謳咾主耶和華聖名 永遠無盡
2.亞伯蘭的上帝 祂出至高命令 我離世間來尋快樂 佇祂正傍
世事我都放拺 智慧名聲權勢 予祂做我惟一份額 保護無退
3.祂指本身立誓 我靠祂所咒誓 我要若鷹展翼飛高 上天永住
我將看主的面 稱讚祂大權能 謳咾奇妙慈悲憐憫 永遠無停
4.主咱的王住遐 做咱公義至尊 較贏世間罪惡驚惶 和平人君
佇錫安山高位 聖國得主維持 與眾聖徒光耀做堆 永遠治理
5.全體勝利天軍 感謝至高上帝 謳咾父子聖神至尊 稱讚萬世
讚美列祖上帝 我也同聲來和 權能威嚴都歸佇𧃸 永遠謳咾
57 願大家謳咾上帝 G 詩136:1
1.願大家謳咾上帝 祂施恩直到萬世
[和]祂憐憫常常發現 到永永不能改變
2.主權能無所不能 照光普遍佇天地
3.主上帝各項足額 賞賜百姓倘飲食
4.咱有時受大艱苦 主憐憫常常照顧
5.咱的心謳咾救主 祂愛咱長長久久
58 王下萬國眾人得聽 Eb 詩100:1f
1.王下萬國眾人得聽，大家進前歸主免驚，地上萬類同心服事，上帝獨一應該敬拜。
[和]全地服事盡心敬奉，萬主之主萬王之王。
2.天頂主宰極大權能，治理萬邦執掌權柄，全地順趁服事敬奉，萬主之主萬王之王。
3.貧賤富貴無分地位，服侍上帝謳咾拜跪，眾人都總齊聲吟說，祂名尊貴應該敬奉。
4.主的公義永遠�瘂o，眾人干證正是這話，歷代聖徒傳報人知，主的功勞奇異偉大。
59(47) 上帝自然至尊無對 Eb 詩48:1
1.上帝自然至尊無對，咱人大家應該敬畏；聖會無論貧賤富貴，舉頭盼望天頂座位。
2.耶穌權能極大無比，救人靈魂永活�𡢞滿F我心欣慕恩典慈悲，深深數念趁早找祂。
3.盡心盡力虔誠服事，時時刻刻真實敬拜；遇著對敵設計傷害，我靠上帝穩當無礙。
60 願主上帝掌權 Db 詩33:12
1.願主上帝掌權 滅無邪術異端 東西南北天邊海角 逐位真理流傳
2.萬王之王全能 願𧃸來施恩情 較勝對敵遠至地極 逐位安靜和平
3.聖神顯出才能 感化人人性情 黑暗地界罪惡所在 逐位成聖光明
4.徛起世間眾人 應該感恩投降 自己勉勵謳咾上帝 逐位與天相同
61 聖父上帝住天頂 G 詩90:2
1.聖父上帝住天頂 管理宇宙出命令 人類歷史常改變 阮的生活快變遷
一代過了又一代 主做阮徛起所在
2.國家興旺及衰微 在佇天父聖旨意 世間榮華與富貴 若準草木暫時美
上帝做萬民天父 永遠不變到萬世
3.求主賞賜阮智識 以及聖神大能力 願獻一切歸佇主 成為聖潔的器具
62 上帝創造天與地 平埔 D 創1:1
1.上帝創造天與地，生成萬物逐項能；功勞極大又極闊，一世稱呼永無息。
2.日頭發現光滿天，日落月出照暗暝；日月星辰都顯明，上帝主宰大權能。
3.土地所生的五穀，花園青翠的樹木；水內所有的魚鱉，都是上帝做的物。
4.天中所飛的鳥隻，上帝予趩食足額；以及至細的蟲豸，無出上帝心以外。
5.上帝照顧世間人，不論本國與外邦；予阮逐日的米糧，兼有厝宅與衣裳。
6.上帝的恩講不盡，差遣耶穌救萬民；大家得用真實心，給祂感謝詩來吟。
63 真主上帝造天地 D 徒4:24
1.真主上帝造天地 能光能暗無人能 冥轉做日日轉冥 生成萬物功勞圓
2.上帝慈心著敬服 保庇眾人賜福祿 食穿及用攏妥當 萬物齊備祂親創
3.各樣菩薩攏無真 不比上帝是至神 世間假佛人所刻 著知服事真無益
4.主的功勞大無比 拯救靈魂攏免死 天下四海大及細 誠心敬拜獨上帝
64 我目抬起向天 Eb 詩121:7
1.我目抬起向天，上帝所踮所在；上帝暝日無睏常醒，顧我到都無害。
2.創造天地上帝 保我不止穩當 早暗庇蔭甚然好勢 其無煩惱一項
3.上帝長長保庇 出入能得平安 此時以後與我無離 我心免驚災難
65 為著美麗的地面 Ab 詩119:64a
1.為著美麗的地面，為著燦爛的星辰，為著阮出世以來 所受一切的慈愛，
[和]天父上帝阮齊聲 謳咾稱呼祂尊名。
2.為著逐時的景緻，無論暝日美無比，山水花木好光景，日月星辰照光明，
3.為著耳目的福氣，為著心神的歡喜，賜阮五官倘欣賞，有聲有影得恩寵，
4.為著溫暖的家庭，兄弟姊妹父母情，天頂地上好朋友，關心看顧又溫柔，
5.為著主至大恩惠，白白賞賜阮人類，聖神恩典與人情，地上生活與永生，
66 萬物相與聚集歡喜 Eb 詩148:5
1.萬物相與聚集歡喜，謳咾上帝齊聲吟詩；哈利路亞哈利路亞，上帝仁愛無窮無盡；
創造天地海與萬民，謳咾天父榮光上帝；哈利路亞哈利路亞，哈利路亞。
2.日頭出現大光滿天，日落月出來照暗暝；哈利路亞哈利路亞，天頂星辰都總歡喜；
趩的數額無倘算起，謳咾天父榮光上帝；哈利路亞哈利路亞，哈利路亞。
3.溪水清清直直流來，音韻響亮若樂和諧；哈利路亞哈利路亞，樹木田園一盡青翠；
收成多多好物歸堆，謳咾天父榮光上帝；哈利路亞哈利路亞，哈利路亞。
4.咱踮世間雖有煩惱，實在免驚有主倘靠；哈利路亞哈利路亞，大家相愛同心同情；
服事上帝永遠無停，謳咾天父榮光上帝；哈利路亞哈利路亞，哈利路亞。
67 我心謳咾上帝 Eb 賽65:18a
1.我心謳咾上帝，自然永活的父，天地萬物相與應聲，謳咾祂大尊名；
樹木田園水泉，穹蒼大海高山，顯明祂大權能榮光，仁愛公義齊全。
2.我心謳咾上帝，世間眾人的父，空中飛鳥吟詩出聲，謳咾祂大尊名；
溪水草埔青翠，香花果子極美。日光照來涼風吹來，說起祂大仁愛。
3.我心謳咾上帝，天下本從一家，雖罔壞歹暫時衝行，公義穩當得勝；
聖國臨到地上，若準佇天一樣，天下到尾合做一家，榮光歸佇上帝。
68 萬物光明極美麗 A 傳3:11a
和1.萬物光明極美麗，活物無論大小；上帝創造這萬類，充滿奇妙智慧。
2.春天燒烙的太陽、秋天所吹涼風、園內成熟的果子，各項是主造它。
3.小蕊草花都賛開，主造趩色緻美；小隻鳥仔賛吟詩，主造小小的翅。
4.賜咱目睭倘觀看，予咱嘴唇唱歌；主大權能得傳報，祂造萬物極好。
69 我的心神你得唱歌 F 詩106:1
1.我的心神你得唱歌，謳咾感謝耶和華，
耶和華是我的上帝，祂有創造天頂地下，謳咾耶和華上帝。
2.至大救主愛疼上帝，照顧人類的天父，
四季運轉賜福天下，田園出產補阮欠缺，謳咾耶和華上帝。
3.我的心神我的心神，虔誠朝見主的面，
祂是全能榮光上帝，永遠治理天頂地下，謳咾謳咾主上帝。
70 上帝管理天地與海 G 腓4:19
1.上帝管理天地與海 願人專心謳咾敬拜 無倘報答上主仁愛 萬福的主
2.雨水涼風日頭的光 香花果子樹木田園 時時顯明仁愛齊全 萬福的主
3.家內平安身軀輕鬆 土地所生阮得逐項 旦將稱謝的祭香香 來獻與主
4.上帝無惜聖子基督 甘願獻身來救逐國 續將好物多多充足 白白賞賜
71 我心謳咾至高上帝 D 詩103:1
1.我心嘔咾至高上帝，萬民趴拜祂腳下！贖回醫治赦免滿滿，
咱得謳咾來近偎，謳咾敬奉，謳咾敬奉，謳咾永遠活君王。
2.謳咾我主恩典愛疼，施落歷代困苦人，謳咾我主永遠無變，
祝福人類賜恩典，謳咾我主，謳咾我主，榮光無變大富有。
3.慈悲憐憫仁愛天父，知咱軟弱快受迷，用祂溫柔聖手抱咱，
救咱脫出眾苦難，謳咾稱讚，謳咾稱讚，謳咾主愛到永遠。
4.人若夏天花草茂盛，大風吹來就掃清，雖然人類歷史變遷，
上帝永遠不改變，謳咾我主，謳咾我主，謳咾我主大仁愛。
5.天使世人同心敬拜，朝見祂面同服事，日月星辰伏拜憼敬，
吟詩謳咾永無停，謳咾稱讚，謳咾稱讚，謳咾主名到永遠。
72 謳咾全能的主上帝 G 詩150:1
1.謳咾全能的主上帝，造化的大君王！祂做你大氣力拯救，你得謳咾尊崇！
聽見的人，得進入祂的聖殿，與我同心歡喜稱讚。
2.謳咾萬物的主上帝 管理實在奇異 保護照顧你不受害 軟弱得主扶持
你豈無看心內所欣慕的事 照祂命令得著賞賜
3.當謳咾主使你工作 興旺且保護你 祂的慈愛與憐憫穩 當常常看顧你
重新來想主若作你的朋友 全能的手能扶助你
4.我當盡力謳咾天父 謳咾祂大權能 世間眾人都當齊聲 謳咾佇祂面前
吟講阿們救主榮光大顯現 永遠謳咾祂的恩典
73 旦阮感謝上帝 F 代上29:13
1.旦阮感謝上帝，出聲吟詩從心底；主行奇異事情，萬民抓祂做歡喜。
阮從母胎出世，祂就賜福無離； 用祂無數仁愛，今日還賛款待。
2.懇求施恩上帝，一生與阮常佇賛；賜阮喜樂心肝，也賜平安與阮住。
用祂恩惠保守，艱難得著解救； 導阮脫離災害，現在續到將來。
3.謳咾感謝的祭，一切歸予父上帝；也歸聖子聖神，佇極高掌理萬民。
三一永活上帝，頌讚遍滿天地； 過去現在將來，永遠謳咾敬拜。
74 我所親愛的眾兄弟 G 約4:7-11
1.我所親愛的眾兄弟 大家皆當相愛 有愛的人由上帝生 且識上帝的愛
2.無愛旳人不識上帝 因為上帝是愛 上帝遣祂聖子降世 予咱得著活命
3.不是咱曾先愛上帝 是祂大先愛咱 上帝愛咱大至按睨 就咱亦當相愛
75 天父上帝至大仁愛 Ab 約壹4:10
1.天父上帝至大仁愛 日日換所永遠無變 可惜眾人多多不知 祂大慈北時時顯現
2.天地萬物是祂創造 顯明祂大權能無比 日月星辰運行無錯 高山大海是祂管理
3.咱踮世間永有患難 病痛死失多多勞煩 信靠救主心得平安 永遠活命賞賜完全
4.主大仁愛永無變換 做我盾牌保護引導 信祂的人倘得永活 永遠歡喜謳咾無息
76 世間眾人，大家心相同 Eb 太4:10
1.世間的眾人 大家心相同 認天父上帝 以外無別人
魔鬼的陷害 棄拺是應該 只有父上帝 俾咱倘敬拜
2.世人敬鬼神 主替咱可憐 著知主耶穌 真實救萬民
迷路賛遠遠 旦當越倒轉 只有父上帝 俾咱倘歸向
3.主的眾百性 咱今當謙卑 世間的眾人 心目當緊醒
求主耶和華 做咱父上帝 願祂的聖國 臨到普天下
77 昔佇大闢王的城裡 G 路2:12
1.早佇大闢王的城裡，一個馬廄真卑微；內面一個嬰仔出世，置馬糟用布包祂
老母叫做馬利亞 救主耶穌做嬰仔
2.上帝聖子放棄榮光 降落世間受艱苦 惟有草棚倘遮風雨 只有馬槽做床舖
榮光救主踮世間 交陪卑微艱苦人
3.聖主耶穌為咱模樣 做囝仔與咱相同 孝順父母趁趩教示 勤勤讀書學做工
知饑知寒與咱平 流眼淚亦曾歡喜
4.咱主耶穌今佇天堂 掌權柄賛做咱王 咱來靠祂得著拯救 路尾導咱到天堂
彈琴吟詩同歡喜 享受福氣大無比
78 馬槽內嬰兒 C
1.馬槽內嬰兒 馬利亞所生 萬民的主宰 無人知
祂擔當你我 都總的罪過 眾人的過失 俱歸祂
2.至聖的嬰兒 謙卑又溫柔 曾處佇地上 來拯救
看祂大得勝 救贖的權能 較嬴眾對敵 好至極
3.先知讖語祂 奇妙的嬰兒 天使看羊羔 坐寶座
堪得受謳咾 咱救主耶穌 永遠的福氣 屬佇祂
79 平安夜 Bb 路2:8
1.平安暝﹗聖誕暝！真安靜真光明。光照老母照嬰孩，真溫純又真可愛。上帝賜安眠*2。
2.平安暝﹗聖誕暝！眾牧者大驚惶，忽然天頂光映映，天軍唱哈利路亞。今暝主降生*2。
3.平安暝﹗聖誕暝！聖嬰兒美無比，面貌榮光照四方，救贖恩典極齊全。主耶穌降生*2。
80 小小的城市伯利恆 G G 太2:6
1.小小的城市伯利恆，實在到極安靜。平安好睡都無眠夢，星辰穩仔振動。
佇遐街路雖然暗 ，真光遍照逐站；早時驚惶變成希望，主出世旦穩當。
2.馬利亞生救主基督，天軍一齊快樂。眾人都賛好睡的時，天使歡喜守更。
啟明星也賛慶賀 ，聖誕消息傳報；吟詩謳咾至尊上帝，和平普遍天下。
3.何等莊嚴何等安靜，耳孔�㟸弁u明，仁愛的主奇妙恩惠，賞賜咱眾人類。
世界罪惡滿四廓 ，救主降生贖罪；凡若謙卑接納基督，就會得著大福。
4.佇伯利恆聖子耶穌，求𧃸俯落看顧；除去我罪來入我心，予我承受福音。
聽天軍報好消息 ，萬民都總倘得；求𧃸時常與阮徛起，聖主以馬內利。
81 看聖子佇馬槽內 G 路2:15
1.看聖子佇馬槽內 為咱降生到世界 溫柔聖羔有顯明 萬年應允旦得成
[和]紀念聖誕好日子 救贖恩典從𧃸起 得報眾人同歡喜 伯利恒基督出世
2.恁列位敬虔牧者 何事放羊佇曠野 恁今暝得啥指示 好消息請恁講起
3.阮佇暝深賛守更 天頂榮光大奇異 天兵和諧賛吟詩 報知基督有出世
4.聖嬰兒佇馬槽內 面貌溫柔又仁愛 懇求𧃸施恩教示 助阮來學𧃸謙卑
82 得聽天使賛吟講 F 路2:14
1.得聽天使賛吟講：歸榮光佇新生王；地上和平人受恩，上帝罪人再親近。
世間逐國得奮起，參加天軍來歡喜；得與天使鬥聲明：基督降生伯利恒。
[和]得聽天使賛吟講：歸榮光佇新生王。
2.至高天頂所服侍，永遠無變的主宰；後來看大闢後裔，做處女的子降世。
謙卑降落神的格，甘願化身成肉體；歡喜與人同徛起，咱的主以馬內利。
3.謳咾平安的君王，祂是正義當尊崇；光明活命祂所賜。平安醫治祂都有。
放拺榮光真謙卑，出世予人無再死；出世高昇萬百姓，出世予人重頭生。
83 請聲天使歡喜的聲 D 路2:10
1.請聲天使歡喜的聲，救主出世大衛的城，這樣的聲實在好聽，咱得謳咾救主尊名。
[和]歡喜﹗歡喜！歡喜﹗歡喜！天國君王今日出世。
2.請聲天使歡喜的聲，救主出世大衛的城；祂是上帝獨生的子，咱得敬畏救主尊名。
3.請聲天使歡喜的聲，救主出世大衛的城；天使傳說恁都免驚，我報救主拯救大名。
4.請聲天使歡喜的聲，救主出世大衛的城；槽內嬰仔包布做號，要救世間予人偎靠。
5.請聲天使歡喜的聲，救主出世大衛的城；天頂天軍同心謳咾，地面眾人大家和好。
6.請聲天使歡喜的聲，救主出世大衛的城；祂予上帝立做救主，救人永活長長久久。
7.旦咱大家得學天使，報揚福音導人敬拜；常常報人聽主的聲，盼望逐人隨主來行。
84 天使所報請恁致意 D Ab 路2:10
1.天使所報請恁致意 大闢的城救主出世 本做上帝獨生聖子 咱著敬畏救主尊名
2.天使所報請恁致意 大闢的城救主出世 槽內嬰仔包布做號 這欲給咱眾人倚靠
3.天使所報請恁致意 大闢的城救主出世 天頂萬軍同心謳咾 地面人人得著和好
4.今咱大家當學天使 播揚救主導人敬拜 常常給人聽主的聲 盼望人人跟祂來行
85 在早上帝差遣天使 F 路2:13
1.在早上帝差遣天使 報人得救佳音 半暝清靜佇彼所在 天使和琴來吟
天頂極大慈悲君王 賞賜世人和平 地上眾人恬靜賛聽 天使吟詩無停
2.此時天開天使復來 展翼安然賛飛 趩奏天界好聽音樂 安慰遍滿全地
趩向愛悶卑微世界 展翼俯落祝福 萬民喧嘩聲音頂面 天使傳播安樂
3.雖然天使繼續吟詩 報人和平消息 二千年久人類犯罪 艱苦都無所得
百姓計較相害相殺 拒絕上帝的愛 鬥爭擾亂當緊平靜 來聽天使的聲
4.凡若身上有背重擔 人生艱難不忍 親像上崎路途艱苦 寸步難行苦心
舉目來看歡喜時期 已經由天近倚 路邊安息放下重擔 來聽天使唱歌
86 聖徒得醒歡迎聖誕日子 C 路2:14
1.聖徒得醒歡迎聖誕日子 萬民救主今日已經山世
起來謳咾上帝奇妙仁愛 就是天軍彼時佇天所拜
上帝所應允今日已經成 救主基督降生佇大闢城
2.佇伯利恒暝時牧者守更 忽然天使出現立趩身邊
聽天使講這是大福的日 我今奉差報恁真好消息
上帝所應允今日已經成 救主基督降生佇大闢城
3.天使言畢忽然多多天軍 用新的歌吟詩謳咾大恩
極高天頂榮光歸佇上帝 地上和平恩典直至萬世
這歌是古今未曾有的聲 天頂地下眾人一齊來聽
4.顧羊的人既然得主指示 緊緊入城來看所成事情
看見嬰仔包布佇馬槽內 大家歡喜跪主面前敬拜
趩就去宣揚天使所傳報 來歸榮光上帝感謝謳咾
5.咱當時常思念這大愛疼 上帝憐憫拯救咱世間人
亦當深想救主一生經過 對馬槽起直到佇十字架
願主幫贊阮跟祂腳步行 到尾與祂永踮天頂聖城
87 牧者暝時看守羊群 F 路2:14
1.牧者暝時看守羊群 大家坐佇草頂 忽然天使對天降臨 榮光遍照光明
2.牧者看了就大惶愕 天使令趩免驚 阮來傳報歡喜消息 實在極其好聽
3.古昔讖語大闢城中 今日降生救主 是主基督又名耶穌 有記號欲賞賜
4.至尊嬰兒佇彼的城 你若到彼所在 看祂包布貧窮無比 臥佇馬廄槽內
5.言讒說畢天軍出現 燦爛榮光顯明 謳咾上帝吟詩唱歌 歡喜救主降生
6.榮光歸佇至高上帝 平安充滿地面 施恩日期自今大開 直至萬世無盡
88 救主耶穌降生彼暝 F 路2:13
1.救主耶穌降生彼暝 天軍同聲稱讚吟詩 牧者聽見就去看祂 遂時報揚大歡喜
2.光星出現遍照滿天 榮光實在燦爛無比 東方博士亦來拜祂 奉獻寶見做禮物
3.聖誕鐘聲響亮好聽 咱當同心向主來行 一齊吟詩謳咾出聲 稱讚救主聖尊名
89 基督降世彼一時 A 太2:1
1.基督降世彼一時 博士歡喜去尋祂 得著星導路顯明 趩就跟到主面前
主阮愛𧃸常來牽 心愛近𧃸得平安
2.博士看見彼厝內 嬰仔睏佇彼自在 主當洗我心清潔 脫離罪惡敬拜𧃸
主當助阮歡喜行 尋𧃸靠𧃸得𧃸愛
3.博士到位真歡喜 伏拜所獻真貴器 主當洗我心清潔 脫離罪惡敬拜𧃸
將所對重甘願置 佇天王耶穌腳下
4.聖耶穌求𧃸照顧 免得阮離開活路 到臨終離別世間 望靈魂住天永遠
聖城免靠星來導 主榮光照阮無息
90 世間萬物未有彼時 E 約1:14
1.世間萬物未有彼時 聖子與父同徛住 亞利法奧美加是祂 祂是原始與終止
現在過去未來屬祂 祂永遠無始無終 永遠到永遠無疆
2.謳咾聖誕福氣豐富 恩典充滿在室女 她從聖神權能懷孕 救主降生救萬民
嬰仔耶穌救世君王 顯出祂尊貴面容 永遠到永遠無疆
3.古昔天使先知聖徒 同心一意所欣慕 祂是人類獨一救主 在早先知所讖語
古今所望今已經成 萬民稱呼祂尊名 永遠到永遠無疆
4.天頂權能天軍聖使 日月星辰俱敬拜 萬邦君王伏拜尊崇 謳咾上帝咱的王
地上人類皆當出聲 同心謳咾主尊名 永遠到永遠無疆
91 聖子耶穌自天降臨 Db 羅5:6
1.聖子耶穌自天降臨 為咱世間有罪的人 天上地下開聲來吟 謳咾聖主成做咱人
[和]哈利路亞謳咾齊聲 天父遣祂獨生聖子 為我罪人放棄性命 天父上帝真正是愛
2.耶穌降生臥馬槽內 無嫌地上卑微所在 天軍天使作樂和諧 好聽至極流傳萬代
3.降生彼暝曠野牧者 大家守更顧趩羊群 天使降臨報趩知影 去看救主面貌溫純
4.救主消息傳到東方 彼有博士舉目看天 主顯金星奇異真光 趩從真遠亦來拜祂
92 請來忠信聖徒 A 路2:15
1.請來忠信聖徒，快樂得意向前，請來請恁來歡喜到伯利恆，來來朝見主天頂君王出世。
[和]請來﹗大家敬拜祂！請來﹗大家敬拜祂！請來﹗大家敬拜祂！我主基督。
2.從神所出真神，從光所出真光，你看祂沒嫌從在室女誕生，上帝的聖子沒從受造出世。
3.眾天使得唱歌，得歡喜謳咾祂，天頂聖城內面大家得吟詩，至高的所在榮光歸主沒離。
4.救主阮謳咾𧃸，佇這日子出世，耶穌𧃸名受稱讚榮光歸𧃸，天父的聖子道成肉體出世。
93 聖徒都得歡喜 F 腓4:4
1.聖徒都得歡喜 同心齊聲吟詩 注意阮所報福音 今日聖子有降世
牛羊也來敬拜祂 因為佇馬槽內出世 〔咱當謳咾祂〕*2
2.聖徒都當歡喜 同心齊聲吟詩 聽無限祝福快樂 咱救主耶穌出世
祂有替咱開天門 予世間人都得榮光 〔咱當感謝祂〕*2
3.聖徒都當歡喜 同心齊聲吟詩 免驚墳墓得平安 主基督降世救人
要叫你也叫大家 來入天父永活厝宅 〔主降世救人〕*2
94 普天同慶主臨世界 D 詩98:4
1.普天同慶主臨世界，全地迎接君王；大家為主備辦所在，
宇宙萬物尊崇*2，宇宙﹐宇宙萬物尊崇。
2.普天同慶救主掌權，世人都得唱歌；田野江河山嶺平原，
歡喜的聲無息*2，歡喜﹐歡喜的聲無息。
3.罪惡悲傷不再生湠，莿帕一切斬斷；我主臨到福氣充滿，
心田不再拋荒*2，心田﹐心田不再拋荒。
4.救主管理教示萬類，用道用恩用義；公義和平充滿逐位，
仁愛極其齊備*2，仁愛﹐仁愛極其齊備。
95 至高天頂耶穌坐位 C 約1:14
1.至高天頂耶穌坐位 都總天神服事拜硊 冕旒燦爛面貌榮光 權柄無限福氣齊全
2.天地萬物未有的時 上帝的子與父徛起 全能主宰永活的道 天地萬物是祂創造
3.萬民違逆上帝法度 當落地獄都無活路 上帝不忍眾人沈淪 差遣耶穌救咱靈魂
4.耶穌降生踮地面上 品行純全做咱模樣 顯明神蹟傳天道理 建立功勞替人受死
5.死了三日耶穌復活 表明贖罪一次夠額 暫住地面教示學生 然後上天執掌權柄
6.世間末日天門開闊 耶穌降臨叫人復活 世間眾人受祂審判 報賞刑罰定著無換
96 大家吟伯利恒的詩 G 啟5:13
1.大家吟伯利恒的詩 牧者佇彼守更 真好消息傳報趩知 天使自天落來
在早照伯利恒的光 今日照佇四方 耶穌出世地上和平 天使吟詩響應
2.大家吃拿撒勒的詩 日頭熱暖歡喜 香花氣味空中滿滿 無罪孩兒長大
現今這拿撒勒香花 萬民心倘栽培 當傳耶穌寶貴名字 到普天下四邊
3.大家吟加利利的詩 湖水樹林山邊 耶穌行過大海上面 命令風浪恬靜
人性風波如加利利 苦痛暗海浪起 苦由信心聽主命令 心靈就變安靜
4.大家吟各各他的詩 有榮光與失志 救主受釘十字架頂 將我罪惡赦清
佇各各他我主受死 祂從墳墓再起 基督佇天永受稱讚 現在有權救咱
97 看嬰兒佇馬槽內 C 來2:9
1.看嬰兒佇馬槽內 牧者來跪下敬拜
[和]是我主聖經所記載 是我主榮光的主宰
用謙卑誠心拜跪 認我主至尊至貴
2.看此人佇拿撒勒 順父母真有孝德
3.看此人專心祈禱 佇曠野禁食饑餓
4.彼暝佇客西馬尼 求上帝成祂旨意
5.看祂死佇十字架 流寶血贖回天下
6.從墓出從死復活 拯救人施恩無息
7.舉頭看天頂座位 執權柄管理萬類
98 我主故鄉拿撒勒 D 路2:52
1.我主故鄉拿撒勒，樹木青翠到極，至大人君主耶穌，曾經過這小路；
暝日時常賛來往，心神快樂清爽，聖子佇諸培養大，要救贖我罪過。
2.思念在世主耶穌，生活謙卑樸素，不穿奢侈的衣裳，頭殼無戴冕旒；
救主基督大仁君，成做木工身分，為著替我開活路，臨到世間受苦。
3.天軍稱讚主耶穌，尊名受大稱呼，祂做人子踮世間，予阮享受平安；
恩典無限大愛疼，予阮得著盼望，看主真美的腳步，我願行主的路。
99 約但河邊約翰講明 G 太3:3
1.約但河邊約翰講明 救主臨到迫近目前 旦當來聽這好消息 是由萬王之王來得
2.各人心肝當洗清潔 道路修直使主歡喜 佇咱心內備辦所在 至大人客才欲入來
3.阮主𧃸是至大拯救 阮的保護與大報賞 若無主恩阮就消無 如花謝去連邊歸土
4.求𧃸伸手給阮醫好 牽阮起來免復跌倒 復用大光來照萬民 也用聖愛充滿地面
5.謳咾聖子放棄座位 甘煩降世來救人類 謳咾稱呼也歸天父 也歸聖神三位一體
100 當用基督耶穌的心 g 腓2:5-11
1.得用基督耶穌的心，做恁大家的心；救主耶穌本是上帝，為著救人降世。
2.謙卑屈下成做奴僕，存心到死順服；甚至擔當十架慘死，上帝就高升祂。
3.後來賜祂至高尊名，㥣過萬人名聲；天頂地下萬民萬類，跪落服事拜跪。
4.萬民的嘴齊聲謳咾，稱祂做主耶穌；來歸榮光天父上帝，尊名流傳萬世。
101 大家大歡喜，謳咾來吟詩 E 太21:9
1.大家大歡喜 謳咾來吟詩 郇城的眾女子 主的眾百姓 天頂至大人君 和平我的主
此時坐佇座位 降臨極威儀 大家大歡喜 謳咾來吟詩 郇城的眾女子 主的眾百姓
2.天父的子兒 大大有福氣 和散那和散那 大闢的後裔 咱主昔所立誓 天裡的祖家
此時已經應驗 榮顯到萬世 天父的子兒 大大有福氣 和散那和散那 大闢的後裔
3.大家來迎接 謳咾主上帝 和散那和散那 大闢的後裔 頂面寶座威嚴 榮光歸天父
地面和平恩典 久長到萬世 大家來迎接 謳咾主上帝 和散那和散那 大闢的後裔
102 主耶穌放拺𧃸寶座冕旒 D 林後8:9
1.主耶穌放拺𧃸寶座冕旒 為著我降生踮地上
總是伯利恒客館無所在 倘迎接我主踮彼內
請來入我心主耶穌 佇我心有位做寶座
2.聖城門大開眾天使吟詩 賛報傳主做王威儀
總是主降世卑微踮地上 又謙卑來做人模樣
請來入我心主耶穌 佇我心有位做寶座
3.飛鳥有巢息狐狸有穴住 佇蔭影樹林來生活
總是主耶穌用草做床舖 佇曠野極淒清荒埔
請來入我心主耶穌 佇我心有位做寶座
4.主𧃸來世間傳活命真理 倘使人得自由免死
總是人凌辱殘忍款待𧃸 佇城外各各他釘死
請來入我心主耶穌 佇我心有位做寶座
5.聖城門大開眾天使吟詩 主再來得榮顯彼時
願救主叫我給我講請來 我身邊有備辦所在
我心就歡喜主耶穌 𧃸導我入天堂門戶
103 耶穌原本是上帝 Bb G 提前1:15
1.耶穌原本是上帝，臨到凡間來救世；舊約聖徒歷代久，都是盼望這救主。
2.主獻本身若羊羔，舊約禮數就廢無；免再獻祭祀筵席，耶穌已經獻夠額。
3.替咱擔當十字架；予咱倘近偎天父；做好模樣予人看，咱沒照款著改換。
4.咱旦偎靠祂功勞，大家齊聲來謳咾；主愛眾人親近祂，死後得永活福氣。
104 救主耶穌基督 Eb 路21:28
1.救主耶穌基督，救咱脫離罪惡；仁愛的心比海更深，咱人未會測度。
2.祂做萬物的主，滿滿福氣本有；到期降世做人後裔，喪鄉予咱成富。
3.本然至尊無對，天使都總拜跪；願做奴僕受人褻瀆，予咱成做尊貴。
4.罪惡主大怨恨，猶久與咱親近；有罪極重不免絕望，救主歡喜施恩。
5.做咱活命本原，替咱受死無怨；當咱罪屬甘受凌辱，救咱極其決斷。
6.用主仁愛來論，萬份說未一份；抬目仰望我心感動，決意一世歸順。
105 四十暝日踮曠野 d 太4:2
1.四十暝日踮曠野 主𧃸祈禱也禁食 四十暝日雖受試 尚且完全得勝利
2.炎熱日頭曬無間 寒冷露水通暝凍 野獸徘徊𧃸四方 石做枕頭地做床
3.阮愛有分𧃸苦痛 地上快樂甘願放 時常禁食與祈禱 歡喜與𧃸同受苦
4.雖然撒但真縱橫 攻擊肉體與心靈 得勝的主能同在 阮倚靠𧃸不失敗
5.阮就會得真平安 𧃸賜歡喜都無限 天使贊阮且扶持，親像早日伺候𧃸。
106 無限榮光與謳咾 C 太21:9
和1.無限榮光與謳咾，都歸救主人君；和散那的歌響亮，出從小子嘴唇。
2.大衛王家的後裔，以色列的人君；奉父聖名來降世，萬人應該敬尊。
3.天使天軍無數萬，佇天謳咾主名；受造萬物與萬民，佇地吟詩應聲。
4.希伯來的眾百姓，抬棕樹枝歡迎；佇主面前咱奉獻，稱讚祈禱頌榮。
107(509) 威嚴君王騎驢進前 Bb 路19:36
1.威嚴君王騎驢進前 百姓沿路出聲歡迎 路上鋪衫鋪棕樹枝 溫柔救主從彼過去
2.威嚴君王騎驢進前 謙卑自在向死進行 這是基督凱旋路程 較贏死失罪惡權柄
3.威嚴君王騎驢進前 天頂天軍看這情形 顯出悲傷可憐同情 觀看救主面臨犧牲
4.威嚴君王騎驢進前 最後交戰迫近目前 天父坐佇榮光聖城 賛等祂所抹油聖子
5.威嚴君王騎驢進前 謙卑自在向死進行 俯頭忍受肉體苦刑 然後上天執掌權柄
108 客西馬尼花園內面 X 太26:36
1.客西馬尼花園內面，更深夜靜黑暗悽清；滿心痛苦我主人君，孤單祈禱通暝沒睏。
2.我主心肝到要爆裂，受苦為要拯救百姓；救主學生失落儆醒，一味愛睏未能同情。
3.千千萬萬天軍天使，奉差降茖侍候服事；要飲苦杯都沒推辭，只有順服天父旨意。
4.為著世間眾人罪惡，祈禱慘戚我主基督；跟隨身邊壯膽扶持，贖罪完全救主勝利。
109 傷心數念我主流血 c
1.傷心數念我主流血，我主受死苦痛；甘願放拺榮光座位，為我卑微的人。
2.救主為咱世間罪人，受釘佇十字架；恩典極大慈心憐憫，仁愛直到萬世。
3.想到我主釘十字架，心裡到極傷悲；我心感激忍未得過，目屎若雨淋漓。
4.雖流目屎吐氣沒停，也未報答主恩；旦獻我心佇主面前，萬分來報一分。
110 聖主頭額旦受傷 X 太27:29 Bach
1.聖主頭額旦受傷，受辱俯頭悲傷；四圍眾人侮辱祂，編刺冕旒強戴；
聖主原本極榮光，到旦賜福齊全；雖受侮辱血淋漓，認祂我主歡喜。
2.我主所受的苦痛，全為有罪的人；從我犯罪忤逆𧃸，累𧃸受苦慘死；
旦我立約跪主前，為𧃸受苦我肯；求𧃸慈愛看顧我，施落恩惠滿滿。
3.涐得怎樣來感恩，獻予親愛人君；因為我主受苦死，憐憫愛疼無比；
救𧃸予我永屬𧃸，就免失志傷悲；主啊願我佇一生，愛𧃸隨𧃸無停。
4.臨終求主偎近我，本身顯出我看；願主可憐來拯救，釋放予我自由；
心目覲主心堅定，注神看主無停；既若從信離世間，享受主愛無限。
111 大家著看上帝聖羔 g 林前5:7
1.大家著看上帝聖羔 十字架頂受苦 身體流血無價的寶 悽慘到都不顧
2.上帝的子釘十字架 替咱擔當罪過 連叫二聲我的上帝 𧃸何事放拺我
3.日午天暗大山震動 墓開聖徒復活 上帝的子受死救人 天堂門路開闊
4.聖殿內面門帳裂開 至聖所在著現 我能近倚施恩座位 得著萬項恩典
5.救主贖罪功勞做成 律法應驗齊全 撒但戰敗耶穌戰贏 凌辱成做榮光
6.上帝的子替我受死 我罪予祂洗清 我心應該感謝吟詩 獻身盡我一生
7.我愛報揚使人都聽 近倚救主腳下 只有誇口一項而已 我主的十字架
112 天遍黑暗親像暝時 d 約19:30
1.天遍黑暗親像暝時，地大震動石磐裂；至大主宰為咱罪過，十字架頂替咱死；
事明白啦！事明白啦！說此句話主過世。
2.至聖中保上帝差祂，遵守律法沒缺欠；為咱受苦悽慘到極，祂所得行都應驗。
事明白啦！事明白啦！這此句話倘數念。
3.早前禮儀新約的影，一切明白免又驚；應驗上帝早所應允，赦罪功勞旦完成。
事明白啦！事明白啦！想此句話心免驚。
113 旦咱大家相與傷悲 F 路23:48
1.旦咱大家相與傷悲 誠心豎倚救主身邊 當來相與一齊搥胸 救主耶穌為咱受釘
2.十架七言充滿慈悲 三點鐘久我主恬靜 為著人類贖罪救靈 救主耶穌為咱受釘
3.有主的愛有人的罪 主為這事受苦贖回 魔鬼戰敗救主得勝 救主耶穌為咱受釘
114 佇十字架救主受死 Bb 林前1:18a
1.佇十字架救主受死 得救盼望咱來讚美 世人恥笑看做塞礙 反轉咱看世間損害
2.佇十字架斬條所寫 心目看明上帝是愛 受吊柴頂擔當咱罪 主用憐憫施落全地
3.十架將咱罪惡除離 受傷心靈得著醫治 憂悶成做盼望歡喜 苦杯變做香蜜清甜
4.小膽心靈得著勇氣 軟弱的手交戰勝利 給咱除去墳墓驚惶 榮光照咱臨終免驚
5.十架做藥醫咱苦痛 證明上帝極其愛人 罪人對這得著閃避 天使用這謳咾吟詩
115 我心仰望十字寶架 F 加6:14
1.我心仰望十字寶架，榮耀的主替我受罪，我前欣慕世上榮華，今願為主都總放息。
2.予我不致誇口一切，只有誇口我主十架，世間所有空虛福氣，為主寶血情願放離。
3.來看救主頭殼腳手，流出寶血慈愛憂愁，這樣愛疼自古未有，莿棘變成榮耀冕旒。
4.設使得著寶玉黃金，全獻給主也未到盡，主愛世人長闊高深，我要報答全獻我心。
116 主的愛疼許大 F 弗3:5
1.主的愛疼許大，我欲感謝唱歌；對沒愛心的人，祂也顯出愛疼；
我是是誰祂予我累，成做肉體死佇十架？
2.祂從榮光座位，來救世界人類；可惜人沒要知，無人欣慕意愛；
主我朋友真實朋友，放拺性命予我得救。
3.人曾用衫舖路，吟詩好聽稱呼；通日出聲叫說：和散那阮的王；
後來一齊喝釘十架，喧嚷受氣愛予祂死。
4.大家非常決意，將我的主除去；兇犯放他生存，害死活命人君；
主也歡喜甘願受死，要予歹人得著釋放。
5.我愛為這吟詩，故事實在神奇；我主愛疼無比，為我的罪傷悲；
盡我一世快樂得意，謳咾我主至好朋友。
117(227) 有一個城離咱真遠 Eb Eb 來13:12
1.有一個城離咱真遠，有山佇彼城外；咱主佇彼釘十字架，受死救你與我。
2.咱未曉說也未能知，救主若大苦痛；只有知祂釘十字架，是替有罪的人。
3.祂死予咱能得赦罪，予咱德行能成；靠祂寶血給咱洗清，倘踮天頂聖城。
4.世間尋無一人完全，能堪給咱替贖；只有耶穌能開活路，予咱能得快樂。
5.救主愛疼實在真深，咱得盡心敬愛；偎靠寶血贖咱的罪，旦得跟主來行。
118 上帝將祂獨生聖子 A 約3:16-21
1.上帝將祂獨生聖子，歡喜賞賜世間；凡若信祂能得活命，祂愛實在無限。
2.上帝差遣聖子降世，不是要來審判；是要赦免世人罪債，拯救恩典滿滿。
3.信子的人無受審判，不信就受定罪；真光臨世人無愛看，因為行踏污穢。
4.作歹的人都怨恨光，所做驚受責備；跟主的人愛就近光，顯明順趁真理。
119 上帝為咱愛疼不變 Eb 羅8:31-39
1.上帝為咱愛疼不變，是誰能對敵咱；無惜聖子為咱來獻，萬物白白予咱。
2.是誰要告上帝選民，上帝稱趩做義；是誰能定趩做罪人，主替趩死復起。
3.祂坐大傍替咱祈禱，雖有患難憂悶；窘逐饑餓危險利刀，從愛得勝有剩。
4.無論掌權死失活命，權能現今將來；都不隔斷上帝的愛，就是佇主仁愛。
120 救主出聲叫我 Eb 提前2:6
1.救主出聲叫我，軟弱的人近倚；大家好膽進前，直到救主面前。
[和]偎靠主恩典，罪過得赦免； 我大福氣與歡喜，是靠救主名字。
2.硬心黑暗迷路，親像大石堅固；若偎靠主耶穌，祂憐憫開活路。
3.既若心思污穢，所行所做犯罪；只靠救主寶血，能洗清咱的罪。
4.從死復活的時，聖徒同唱聖詩；歡喜齊聲來和，謳咾主大功勞。
121(332) 耶穌真活上帝 D 彼前2:21
1.耶穌真活上帝 替我受苦萬般 釘死佇十字架 流血親像活泉
有罪的人靠主的義 由祂寶血都洗清氣
2.與主同釘的賊 聽主應允歡喜 免受地獄刑罰 得著樂園福氣
我有重罪與他親像 佇主寶泉洗清得救
3.上帝至聖羊羔 替我釘十字架 寶血的大功勞 功效續到萬世
上帝所揀地上聖會 依靠救主得著赦罪
4.尊貴身體受扎 寶血流出遍遍 從信我的心目 親像看見現現
時刻感謝贖罪恩情 從旦以後謳咾無停
122 主耶和華聖旨立定 D 來10:10-14
1.主耶和華聖旨立定 耶穌基督降生 救主一次獻祂生命 予咱能得成聖
2.佇地面上的眾祭司 各日豎在服事 趩獻相同的祭無離 不除罪與惡事
3.獨獨救主耶穌犧牲 既然一次獻祭 就永遠坐上帝大傍 做中保到萬世
4.以後等候對敵一齊 成做祂腳踏椅 主用一次獻祭贖罪 信徒得救完備
123A 耶穌真正死復活 C 羅6:9
1.耶穌真正死復活，天使世人傳開闊！感謝吟詩出大聲，謳咾救主大尊名！
2.救世功勞今做成，對敵戰敗主戰贏！贖罪一次就清楚，耶穌不免再受苦！
3.基督用死救靈魂，咱人靠祂免沉淪！救主攻破陰府門，替咱開路到樂園！
4.耶穌成作咱的頭，救主先去咱亦到！同死同活同上天，榮光尊貴萬萬年！
123B 耶穌真正死復活 C 羅6:9
1.耶穌真正死復活，哈利路亞！天使世人傳開闊，哈利路亞！
感謝吟詩出大聲，哈利路亞！謳咾救主大尊名，哈利路亞！
2.救世功勞今做成，哈利路亞！對敵戰敗主戰贏，哈利路亞！
贖罪一次就清楚，哈利路亞！耶穌不免再受苦，哈利路亞！
3.基督用死救靈魂，哈利路亞！咱人靠祂免沉淪，哈利路亞！
救主攻破陰府門，哈利路亞！替咱開路到樂園，哈利路亞！
4.耶穌成作咱的頭，哈利路亞！救主先去咱亦到，哈利路亞！
同死同活同上天，哈利路亞！榮光尊貴萬萬年，哈利路亞！
124 上帝子兒當來吟詩 g 約20:29
哈利路亞！ 哈利路亞！ 哈利路亞！
1.上帝子兒當來吟詩 天頂君王今日再起 較贏死失榮光勝利 哈利路亞！
2.復活清早天光彼時 盡忠婦女有行路去 到主墳墓來欲探祂 哈利路亞！
3.天使出現使趩看見 榮光燦爛對趩講起 主大先恁去加利利 哈利路亞！
4.彼暝使徒驚惶不安 忽然主豎在趩中間 就對趩講願恁平安 哈利路亞！
5.多馬由趩聽著的時 他都不信心置訝疑 後來主再出現指示 哈利路亞！
6.多馬看我受鑿脅下 我腳我手傷痕佇的 不倘無信當作信者 哈利路亞！
7.彼時多馬心得開啟 看主腳手以及脅下 叫講主我的上帝 哈利路亞！
8.雖然咱尚未曾看見 信主復活就有福氣 允當得著永活歡喜 哈利路亞！
125 交戰明白苦難都息 D 林前15:20
哈利路亞 哈利路亞 哈利路亞
1.交戰明白苦難都息 救主耶穌從死復活 今著同唱得勝的歌 哈利路亞！
2.死失權勢空空展威 主今打散兇猛軍隊 阮今唱歌誠心敬畏 哈利路亞！
3.憂愁黑雲今都消散 主活出墓身免朽爛 榮光歸主永無變換 哈利路亞！
4.地獄關隘救主攻破 予人得入天堂永活 得勝的主榮光遍滿 哈利路亞！
5.思念我主替我受試 死的厲害使我脫離 阮今得活謳咾吟詩 哈利路亞！
126 主復活﹗哈利路亞！ C 啟1:18
1.主復活﹗哈利路亞！死的權勢我能較贏
主復活﹗我旦真知 黑暗死地我免驚惶 哈利路亞！
2.主復活﹗替我捨生！盡我一生從祂旨意
心思言行著成聖 榮光歸主使祂歡喜 哈利路亞！
3.主復活﹗我心明白！祂的仁愛永遠存在
無論死活抑地獄 不能搶我由主手內 哈利路亞！
4.主復活﹗哈利路亞！天地權柄交祂掌管
主先去我亦能到 相與享福直到永遠 哈利路亞！
127 哈利路亞﹗祂有復活！ G 太28:6
1.哈利路亞﹗祂有復活！咱的主出墓又起。祂戰贏死神的權勢，天使報聖徒歡喜，
哈利路亞﹗祂有復活！永遠活都無再死。
2.哈利路亞﹗祂有復活！佇天頂高高舉起。降落聖神給咱啟示，咱的中保就是祂，
哈利路亞﹗祂有復活！咱靠祂得著稱義。
3.哈利路亞﹗祂有復活！永廢無死失絕望。活命源頭咱著尊崇，同心謳咾來敬奉，
哈利路亞﹗祂有復活！活的主永遠的王。
128 在早佇郇城 A 可16:6
1.在早佇郇城 各各他的山頂 歸群人與兵丁 看見主受釘
[和]救主耶穌復活 救主耶穌復活 吟講哈利路亞 哈利路亞
今日救主復活 基督阮的王
2.耶穌佇墳墓 隔三日的早起 天使徙開墓門 主從死復起
3.主𧃸極榮光 又出現使阮看 世上兇惡魔鬼 驚惶都四散
4.復活的鐘聲 賛大鳴賛大鳴 大家應該齊聲 謳咾大稱讚
129 迎接快樂早起 G 可16:2
1.迎接快樂早起 各世代講起 地獄權勢受滅 天堂得勝利
𧃸看耶穌復活 主永遠存在 祂是造物主宰 著謳咾敬拜
[和]迎接快樂早起 各世代講起
2.活命源頭我主 𧃸受死艱苦 經過黑暗路途 開拯救活路
真理的主求𧃸 應驗𧃸的話 從墳墓復起來 贏死失權勢
3.魔鬼鎖鏈所縛 受監禁靈魂 此時都受釋放 得活命安穩
願𧃸顯出榮光 普照佇萬國 導阮行佇光明 來得𧃸賜福
130 我今實在免再傷悲 D 啟1:18
1.我今實在免再傷悲 倘歡喜 倘歡喜 因為我主從死再起 倘歡喜 倘歡喜
祂今復活以後無死 我心深信都無訝疑 不禁投跳謳咾吟詩 倘歡喜 倘歡喜
2.我今免驚魔鬼拘束 真快樂 真快樂 因為救主除我罪惡 真快樂 真快樂
功勞齊全建置天國 予我免受魔鬼苦毒 主做中保永遠賜福 真快樂 真快樂
3.今我救主出墓再起 真歡喜 真歡喜 吩咐學生播揚道理 真歡喜 真歡喜
天地的權都總交祂 主就祝福乘雲上天 末日主來親像按睨 真歡喜 真歡喜
4.今著干證復活道理 信靠祂 信靠祂 倚靠救主永活無死 信靠祂 信靠祂
懇求聖神贊我決意 服事天父隨主無離 死後上天踮主身邊 永靠祂 永靠祂
131 救主復活的早起 D 徒13:33a
1.救主復活的早起 全地報揚歡喜 是咱快樂㥣過節 救出奴才的地
咱主基督有引導 從死進入永活 今咱得勝來吟詩 從地上通到天
2.當除罪惡到清氣 心目才倘看見 復活的主來顯現 榮光燦爛無變
聽主溫柔賛出聲 願恁平安免驚 歡喜謳咾主復活 同唱得勝詩歌
3.願天頂歡喜出聲 地上謳咾主名 全世界歡喜唱歌 主有得勝復活
受造萬物都同心 歡喜和諧來吟 因為基督有復活 咱倘歡喜無息
132(50) 歡喜，救主做王 D 詩149:2
1.歡喜救主做王，大家得來敬奉；人人感恩吟詩，主有永遠勝利；
心肝歡喜出聲讚美，歡喜,歡喜,時常歡喜。
2.真理仁受的主，佇天掌權萬有；洗咱罪惡清氣，就坐榮光座位；
心肝歡喜出聲讚美，歡喜,歡喜,時常歡喜。
3.祂坐上帝大旁，直到對敵歸誠，降服救主命令，跪落佇主腳前；
心肝歡喜出聲讚美，歡喜,歡喜,時常歡喜。
4.咱存歡喜盼望，主來審判眾人；也要導祂百姓 佇天祖家相見；
不久要聽天使讚美、上帝哨角 響亮歡喜。
133 耶穌受苦戴刺冕旒 G d 提後2:12
1.耶穌受苦戴刺冕旒 來救贖世間人 祂今上天使人得救 榮光普照萬邦
2.祂踮至高天頂厝宅 顯明祂大權能 萬王之王萬主之主 榮光遍照天庭
3.天頂聖使歡喜快樂 地上眾人唱歌 天父上帝由主基督 顯明仁愛無息
4.耶穌予人釘十字架 甘願施落救恩 由祂咱倘到天祖家 天堂快樂有份
5.與主相同受苦的人 佇天與祂掌權 予趩歡喜無欠一項 主愛實在完全
6.耶穌擔當凌辱死失 賞賜豐盛活命 平安富有倘由祂得 咱當謳咾祂名
134(438) 羊羔坐佇寶座 A 啟19:12
1.羊羔坐佇寶座 眾人奉獻王帽 請聽天頂讚美聲音 贏過眾人所吟
我心吟詩歡喜 感謝祂替咱死 謳咾稱呼至大君王 咱著永遠尊崇
2.謳咾活命君王 較贏死失墳墓 祂有復活得著勝利 拯救萬民免死
今著吟詩稱讚 救主高升極高 由主的死咱得永活 感謝謳咾無息
3.謳咾平安君王 治理萬國萬方 戰爭停止各位和平 謳咾祈禱無停
救主永遠治理 萬民快樂得意 寶血所贖多多子兒 顯出美花香味
4.謳咾愛疼人君 咱著一齊敬尊 看主雙手與祂脅下 傷跡現現佇的
救主𧃸為阮死 贖罪愛疼無比 阮著時常感謝唱歌 永遠謳咾無息
135 眾聖徒！當看主榮光 Bb 來2:8
1.眾聖徒當看主榮光 當來看受苦的人 祂從戰場得勝倒轉 各個都跪拜投降
冕旒歸祂冕旒歸祂 冕旒歸得勝的人
2.眾天使給主戴冕旒 罪人由祂得釋放 大權柄寶座戴冕旒 聲音響亮滿天堂
冕旒歸祂冕旒歸祂 歸我主萬王之王
3.眾惡人戲弄恥笑祂 戴刺冕旒稱人君 聖徒天使大陣圍祂 承認謳咾祂至尊
冕旒歸祂冕旒歸祂 報揚得勝到有餘
4.今咱來聽稱讚歌聲 來聽得勝的聲音 耶穌得著至高尊名 看了歡喜滿我心|
冕旒歸祂冕旒歸祂 萬王之王主之主
136 請看救主，榮耀君王 G 弗4:8
1.請看救主榮耀君王 攻破對敵大得勝 用雲做車光彩輝煌 一直上高到天庭
請聽天使齊聲吟詩 哈利路亞趩敬奉 天門大開高高舉起 歡迎得勝大君王
2.是誰臨到許大榮光 號頭聲音響無比 萬軍的主權柄齊全 祂有得著大勝利
主佇十架受大苦難 從墓復起大顯赫 消除罪惡剿滅撒但 用死戰贏眾對敵
3.主有提高咱的人性 坐雲到佇父身邊 予咱大家倘踮天頂 佇主榮光同徛起
耶穌掌權天使敬拜 祂與上帝永做王 全能聖主上到天界 阮也由信入天堂
4.看主耶穌大先咱去 備辦天裡的厝宅 看祂常常愛咱無離 迫切祈求咱天父
請看天使歸陣相排 吹號頭聲音真大 祂要坐雲榮光再來 召世人來受審判
5.榮光歸佇聖父上帝 榮光歸聖子上帝 祂為咱死復活上天 天堂寶座祂永坐
榮光歸佇聖神上帝 榮光歸三位一體 榮光充滿天頂地下 榮光永遠到萬世
137 主上天大家看見 D 徒1:9
1.主上天大家看見 有雲來迎接祂去 到極高天頂所在 眾天使謳咾敬拜
祂經過永遠帳幕 入去到佇至聖所 勞苦憂悶都朋白 一切交戰贏對敵
2.祂上天咱踮世間 滿滿是罪惡苦難 主已經與咱相離 咱尚時常思念祂
今當來做主工程 跟隨祂的腳步行 佇對敵與朋友中 咱當顯出祂形像
3.祂上天有講明白 我去使恁得利益 雖然無看祂現現 尚且倘得主恩典
慈愛面容雖離開 咱亦倘得祂安慰 祂的神賜咱才能 到各位做主干證
4.祂上天雖然相離 後來咱將見著祂 佇天頂也如親像 當時祂踮地面上
祂欲為著咱大家 來備辦多多厝宅 佇榮光快樂世界 咱與祂踮一所在
138 天開一隻白馬出現 D 啟19:11-16
1.天開一隻白馬出現 忠信真實騎祂 這人審判以及交戰 都照公平正義
2.目睭親像火焰不灰 頭戴冕旒尊榮 祂有名字本身以外 別人不能知明
3.祂穿灑血的衣出陣 上帝的道是祂 天軍騎馬隨祂後面 穿葛白且清氣
4.祂有利劍由口吐出 用它來打列邦 祂踏全能怒氣酒堀 鐵柺治理萬人
5.佇祂外衫 腳腿都有記載一個名講 萬王之王萬主之主 萬民所當尊崇
139 佇聖經有記載永遠活的路 A 來13:5
1.佇聖經有記載永遠活的路，就是基督徒深信地基堅固，
主耶穌以外無別人能救咱，予咱信靠祂閃避地獄災難。
2.主講都免驚我必與你做伴，我是你的上帝不放你孤單，
我用大權能恩典正手牽你，扶持幫贊你予你豎在無疑。
3.雖然過苦海未予風浪簸去，遇著大危險也免驚惶失志，
我要予患難憂悶變成福氣，從試煉成聖就是我的旨意。
4.既若將靈魂交代佇我的手，我不忍放撒他予對敵讎仇，
雖然魔鬼欲設計害他靈魂，我要保護他直透到尾安穩。
140(36) 我心免訝疑 A 箴3:26
1.我心免訝疑 主時常近倚 的確要出現 施恩保護我
我若迫切懇求 各項祂必成 救主若佇船內 風浪我免驚
2.路途難然暗 主導路指示 我只有當趁 各項祂排比
世上親像浮雲 靠這都無穩 主應允不改換 各項都有準
3.祂永遠愛我 我都免失志 祂無放拺我 與我不相離
凡事我所經過 助我堅固信 祂有決斷意思 必救我到盡
4.祂永遠定著 必救我脫離 免予撒但害 由信稱做義
祂盡心賛指示 予我信靠祂 主穩當必引導 保護到一世
141 耶穌做咱牧者 Bb 約10:14
1.耶穌做咱牧者，顧咱都無害；抱佇祂的胸前，真安穩自在。
咱應該得隨祂，偎靠祂導路；無論經過曠野，抑是踮草埔。
2.耶穌做咱牧者，咱識祂聲音；祂細聲來教示，感動咱的心。
有時雖莽責備，用溫柔慈悲；只有祂能導咱，咱是屬佇祂。
3.耶穌做咱牧者，為著羊來死；用所流的寶血，洗羊羔清氣。
逐隻羊有記號，是牧者蓋印；若有主的款式，就屬祂本身。
4.耶穌做咱牧者，靠祂手保護；豺狼雖然極多，羊群祂照顧。
經過死蔭山谷，黑暗真倘驚；咱得好膽進前，跟祂穩當嬴。
142 耶穌寶貴的名 X 詩18:49
1.耶穌寶貴的名 做我心神性命 我主耶穌
愛𧃸心極歡喜 世間無名倘比 別物不中我意 我主耶穌
2.𧃸做上帝聖子 流血贖我性命 我主耶穌
𧃸大愛疼的心 極闊極高極深 日日感動我心 我主耶穌
3.我若盡心尋𧃸 𧃸就看顧保庇 我主耶穌
𧃸若與我同行 無論憂悶疼痛 都不使我驚惶 我主耶穌
4.耶穌不久要來 我心欣慕意愛 我主耶穌
𧃸面我若朝覲 就成做親像𧃸 永遠與𧃸徛起 我主耶穌
143 請來﹗請來﹗以馬內利 e 賽7:14
1.請來請來以馬內利，救贖以色列眾子兒，趩受遷徒失志傷心，舉頭盼望聖子降臨。
[和]歡喜﹗歡喜﹗以馬內利！以色列啊﹗主要來臨。
2.請來請來耶西根枝，脫放撒但手內百姓，拯救離開地獄免死，脫出死無墳墓勝利。
3.請來請來大衛鎖匙，恩典的門為咱大開，透天的路為咱開拓，斷絕死失永遠快樂。
144 救主坐雲燦爛臨到 G 啟1:7
1.救主坐雲燦爛臨到 祂曾為咱罪人死 千千萬萬聖徒等候 稱讚得勝大歡喜
〔哈利路亞〕*3 上帝臨到來統治
2.眾人都要看見耶穌 榮光燦爛且威儀 那些賣主兇惡叛徒 鎗鑿釘祂佇柴死
〔痛悔啼哭〕*3 彌賽亞趩必看見
3.久久所在期待救贖 威嚴顯現就應驗 那些受人拒絕侮辱 空中見主得榮顯
〔哈利路亞〕*3 顯現的日同升天
4.至高榮光尊貴座位 天使聖徒同讚美 救主執掌權柄尊貴 天國臨到佇萬類。
〔主啊緊來〕*3 哈利路亞主緊來
145 謳咾大衛的後裔 G 路4:18
1.謳咾大衛的後裔，受抹油主基督；照父所定來降世，掌管天下萬國。
祂來要解除壓制，囚犯得著脫放；給人赦罪歸天父，公平治理萬邦。
2.主來予人有安慰，救人脫離悲傷；喪鄉欠缺受恩惠，軟弱變做堅強。
吐氣的人倘吟詩，黑暗變做光明；靈魂艱苦又餒志，主必予趩安寧。
3.祂要降臨若雨水，施落恩惠祝福；仁愛盼望若花蕊，予人前途快樂。
和平使者行做前，叫世人得相愛；救主公義大顯明，榮光歸祂聖名。
4.基督是得勝人君，永遠坐祂座位；威嚴顯赫得敬尊，全人類得拜跪。
此世間常常變遷，救主應允無變；基督聖名大顯現，永遠予人欣羨。
146 聖主將再臨無延遲 d 詩85:11
1.聖主將再臨無延遲 祂腳步不錯誤 祂頭前有公平正義 做先峰備辦路
真理欲從地面發生 各位打蕾開花 公義又復欲從天頂 監察人類社會
2.人若對主驚畏敬虔 拯救與他近倚 榮光無久將欲出現 佇地上與咱住
求主用權審判人類 修整罪惡今世 𧃸是主宰至尊至貴 萬國都是𧃸的
3.𧃸所創造世界萬族 都總謳咾出聲 佇主面前跪落降服 榮光上帝聖名
𧃸是偉大奇妙尊貴 聖手做成一切 𧃸踮天頂永遠座位 只有𧃸是上帝
147 我越轉身過來 D 啟1:12-18
1.我越轉身過來 愛看是誰出聲 就看見七支金燈台 親像人子佇彼
2.祂身軀穿長衫 胸坎有縖金帶 頭毛真白如雪一般 目睭如火賛看
3.腳如光亮銅器 聲如大水不恬 右手有𧃸七粒金星 口吐雙面利劍
4.面貌如日燦爛 我仆落親像死 祂用右手按我慰安 就講免驚免疑
5.我是起頭息尾 曾死後來復起 你看我活直到萬世 掌管陰府鎖匙
148 謳咾,榮光,尊貴,以及權勢 G 啟5:12
1.謳咾榮光尊貴以及權勢，智慧權能流傳直到萬世；
一切榮耀歸佇得勝的主，天國寶座冕旒是祂所有。
2.主耶穌受舉起佇天高高 坐佇寶座享福直到永遠
救主現在戴天國的冕旒 與祂聖百姓用新歌來唱
3.天頂齊出聲報揚主的名 地上賛傳報聖主大的愛
河川與海洋平地與山頂 萬物都謳咾救主大權能
4.地面快樂透上天到萬世 天父的愛疼日日降落地
感謝與榮光謳咾與尊貴 咱應該同心謳咾主恩惠
5.咱穿白衫咱手舉棕樹枝 謳咾羊羔將榮光歸佇祂
甘願受害死為咱受埋葬 今復活上天作萬王之王
149 美妙主耶穌 F f 詩45:2
1.美妙主耶穌，萬物𧃸眷顧，𧃸本是神成做世人；
主我所信仰，主我所尊崇，我歡喜主做我君王。
2.青翠的草埔，樹林的甘露，春天美麗樹木草花；
都不及耶穌，都不及耶穌，𧃸予我憂傷變快樂。
3.美妙的君王，萬邦所敬奉，為著我罪歡喜降世；
榮光與尊貴，恩典與慈悲，永遠到永遠都屬𧃸。
150 咱人佇地面上 Bb 路24:53
1.咱人佇地面上 著學天使模樣 歡喜稱呼救主耶穌 用新的歌來唱
2.福氣權能富貴 永遠與主相隨 功勞齊全極大榮光 坐佇極高座位
3.千千萬萬天使 謳咾祂大仁愛 因為耶穌替人受苦 天軍都總敬拜
4.眾人應該稱呼 熱心齊聲謳咾 耶穌救咱擔當災難 祂死親像羊羔
5.救主耶穌復活 賞賜救恩極闊 這大福氣耶穌捨施 予咱享受無息
6.耶穌極大功勞 眾人都倘倚靠 當與天使歡喜服事 敬拜救主耶穌
151 耶穌尊名入我耳孔 G C 腓2:5
1.耶穌尊名入我耳孔，如樂和諧的聲；〔謳咾祂名傳主愛疼，予天與地都聽。〕*2
2.耶穌祂會使我靈魂，歡喜到都不顧；〔世間珍珠寶玉金銀，都總不及耶穌。〕*2
3.祂名親像美花極香，更甜贏過蜂蜜；〔各項福氣我心所望，來求耶穌就得。〕*2
4.我心記念耶穌的恩，這恩如藥一般；〔能解世間苦痛憂悶，福氣給人滿滿。〕*2
5.稱呼耶穌盡我一世，到尾不敢放息；〔雖然當死也無介意，到時使我復活。〕*2
152 我來朝覲𧃸，救贖我的主 X 約16:33
1.我來朝覲𧃸，救贖我的主；𧃸是我所靠，我心的救主；
為著可憐我，𧃸曾受苦痛；阮一切掛慮，求𧃸來釋放。
2.𧃸就是慈悲、恩典的君王；用全能治理，萬民所尊崇；
求𧃸旦降臨 佇阮心掌管；顯出𧃸純潔，大光來照阮。
3.𧃸就是活命，我從𧃸生存；一切的恩惠，才能𧃸所分；
求𧃸將信仰，權能扶持阮；賜阮有氣力，贏試煉純全。
4.主𧃸有真實、完全的溫純；𧃸未曾顯出，殘忍與痛恨；
願𧃸賞賜阮 豐盛的恩惠；佇完全一致、和諧來做堆。
5.除去𧃸以外，別位無盼望；佇主的應允，所信無空空，
求賜阮和平，安靜與確信，佇𧃸的氣力，予阮永堅心。
153 聖徒看見天頂座位 A 啟5:6-14
1.聖徒看見天頂座位 有活物與長老 佇趩中間有徛一位 親像受殺羊羔
2.活物以及長老圍圍 仆佇羊羔腳下 出聲吟講𧃸堪得開 那卷封印的冊
3.𧃸用血由各國各族 贖回人歸上帝 趩做祭司做王做國 誠心服事上帝
4.座位千千萬萬天使 大聲吟詩謳咾 權能智慧到萬世代 尊貴都歸羊羔
5.天頂地下受造萬物 都講尊貴權勢 榮光謳咾都歸佇祂 直到代代無替
154 懇求聖神從天降臨 F 約壹2:20
1.懇求聖神從天降臨，用天的火照光阮心；𧃸從天頂臨到地面，恩賜滿滿要予萬民。
[和]阮要謳咾𧃸永無替，父子聖神三位一體。
2.𧃸所予阮屬靈恩賜，仁愛活命安慰都有；阮的心目矇矇無明，𧃸賜光明予阮精英。
3.懇求聖神賜阮恩惠，為主做工都免吐氣；家內大小同心和平，一切歹事求𧃸洗清。
4.教阮知識聖父上帝，聖子聖神本是一個；阮愛用這做詩來吟，永遠出從眾人的心。
155 我欣慕真理的神 D 約14:26
1.我欣慕真理的神 求𧃸永踮我內面 叫醒我心識道理 益發明白聖旨意
2.我欣慕愛疼的神 求𧃸永踮我內面 賞賜焰火除罪孽 心思污穢變聖潔
3.我欣慕平安的神 求𧃸永踮我內面 世情攪擾心不靜 踮𧃸翼下得安寧
4.我欣慕權能的神 求𧃸永踮我內面 頭前路站不能知 靠𧃸進前免受害
5.我欣慕歡喜的神 求𧃸永踮我內面 雖踮山間與曠野 到永遠謳咾感謝
156 懇求聖神感動阮心 Eb 約16:13
1.懇求聖神感動阮心 識主能力極深 𧃸做先知熱情源頭 予阮經驗能到
2.在早聖神感動先知 所寫由𧃸啟示 求𧃸指示開拆真理 闡明聖書意義
3.聖神親像鴿仔展翼 顧阮無間暝日 心神黑暗時常驚惶 賜阮光明安定
4.主若做阮心內光燈 由𧃸能得知明 地上聖徒就出大聲 報揚天頂的愛
157 造化的神﹗你佇早時 e 林前3:16
1.造化的神﹗你佇早時建立此世界堅固地基；求𧃸來踮信徒心裡，
各項歡喜賜𧃸子兒；救阮脫離悲傷罪愆，予阮堪得做𧃸聖殿。
2.太初就有真光原本，是阮保惠師父所應允；至聖靈火至聖活泉，
噴天的愛入阮心肝；請來帶𧃸聖油來抹，敬拜的時心得聖化。
3.恩惠的神從天降臨，賜𧃸大能力佇阮的心；𧃸是上帝聖手的力，
天地受祂權能管轄；賜𧃸本身做阮活命，予阮從𧃸識父與子。
4.永遠尊貴無盡名聲，歸全能天父至尊聖名；願榮光歸聖子耶穌，
為救失迷人類受苦；榮光也歸佇保惠師，祂有永遠豐盛恩賜。
158(183) 懇求聖神降臨 Eb 羅8:26
1.懇求聖神降臨，佇阮逐人的心；無所不能至光至明，賞賜恩典極深。
2.懇求聖神教示，予阮信趁道理；醒悟知罪憂悶反悔，來靠耶穌的義。
3.懇求聖神責督，幫贊阮心降服 常常歡喜上帝聖旨，怨恨都總罪惡。
4.懇求聖神照顧，予阮日日進步；所說言語所行的事，逐項照主法度。
5.懇求聖神安慰，日日加添恩惠；予阮安然經過試鍊，佇天與主做堆。
159 至聖的神聽阮祈禱 Bb 徒2:4
1.至聖的神聽阮祈禱，願此做𧃸聖殿 𧃸來會賜恩典無限，請來勿得延緩。
2.求𧃸若光大照顯明，阮的罪惡無數；導阮擒住救主耶穌，來行赦罪活路。
3.求𧃸若火鍛鍊我心，惡事一盡洗除 予阮終身全獻做祭，歸順我的救主。
4.求𧃸若雨及時降落，潤澤眾人的心；予趩有力結好果子，愛人日日愈深。
5.求𧃸親像鴿仔飛來，賞賜仁愛平安；予𧃸聖會佇地若天，得著福氣無限。
6.求𧃸親像大風吹來，五旬節的恩典；賞賜天下萬國萬民，都能與𧃸結連。
7.至聖的神聽阮祈禱，換世界做聖殿；𧃸來會賜恩典無限，請來勿得延緩。
160 愛疼的神降臨 D 羅8:9
1.愛疼的神降臨 尋我踮我內心 將𧃸的熱情發光對我顯現
保惠師請近偎 入我心與我住 賞賜聖火使我心熱勿延緩
2.求𧃸聖火直著 直到私慾消無 罪惡變成火灰使我得成聖
願𧃸的光做燈 時常照我腳前 遍照我身邊使我路徑光明
3.願主聖愛賜下 做我身上外衫 續用謙卑做我的內心衣裳
凡若真實謙卑 甘願成做卑微 心知失錯就痛悔求主拯救
4.我心真大欣慕 迫切意愛求討 欲㥣過嘴所講能出的限界
主恩人不能知 直到使我心內 成為聖神歡喜徛起的所在
161 上帝所賜活命 F G 約20:22
1.上帝所賜活命 能使我心勇健 予我能愛𧃸所要愛 亦行𧃸所愛行
2.上帝所賜活命 能使我心清氣 予我能得趁𧃸旨意 所行照𧃸指示
3.上帝所賜活命 能得滿我心內 予我能成𧃸所要成 性情能得自在
4.上帝所賜活命 予我能得永活 久長徛起佇𧃸聖城 謳咾𧃸名無息
162(25A) 上帝聖城普遍萬世 G 詩48:8c
1.上帝聖城普遍萬世 城牆開闊美麗 受主真理揀選百姓 各時各位徛起
2.獨一聖會全軍兵勇 大家心志堅強 同吟得勝的詩敬奉 獨一全能君王
3.上帝自人原昔時期 聖旨傳到一世 聖國真理仁愛自由 廣闊傳佇地上
4.真光普照未曾衰替 如準守更的火 真理的塔堅固無比 迎接黎明早起
5.人生風波起落不定 海沙吹散無停 上帝聖城永遠豎在 佇石磐頂無礙
163 阮來就近列祖上帝 G 出15:26
1.阮來就近列祖上帝 做阮石磐到萬世 趩踮上帝全能手中 彼是阮永遠家鄉
阮欲與趩同謳咾𧃸 如昔聖徒欣慕覲𧃸 懇切尋𧃸盡一世
2.阮欲隨趩歡喜唱歌 響亮聲音相接續 聖神感動導趩唱歌 阮聽這聲受感化
趩吟阮唱都同一樣 和諧聲音遍滿宇宙 這樣詩歌永遠唱
3.聖徒著來繼續出聲 盡力謳咾主聖名 願咱精神結連不斷 同聲吟詩到永遠
徛起平安快樂所在 豐盛恩典永遠存在 稱讚主到萬世代
164 基督做咱堅固地基 Eb 賽28:16
1.基督做咱堅固地基，珍重厝角石是祂；聖主所選實在寶貴，連結聖會歸佇祂；
榮光聖城都沒廢去，堅心信靠免訝疑。
2.阮要進入殿堂祈禱，求𧃸鑒納阮謳咾；救主時常愛人溫和，歡喜應允阮求討；
𧃸的賜福充滿在座，受𧃸保守永沒錯。
3.至聖救主降臨會中，求𧃸施恩全會眾；恩典相續萬民同享，保全賜福無限量；
統治權柄佇𧃸手中，榮光�瘂o永無窮。
4.謳咾至尊聖父上帝，感謝聖子來降世；稱呼父子三位一體，永遠不變到萬世；
恩典慈悲榮光權勢，自古及今都沒替。
165 聖會獨一的地基 Eb 林前3:11b
1.聖會獨一的地基，是主耶穌基督﹔從主真道來建置，設立永遠天國；
從天降臨贖回祂，做主聖潔新娘﹔用血用愛(ai)來買他，替死佇地面上。
2.各國受召受主揀 成做一體廣闊 大家遵奉這聖經 同心信主來活
獨一聖名咱稱呼 承受天的米糧 相與盼望大欣慕 所受恩典一樣
3.雖有世人的譏莿 有時遇著擾亂 有時大家相分離 辦明真理異端
心目看主佇頭前 榮光滿意完成 直到聖會都得勝 享受安寧平定
4.聖會設立佇地上 連佇三位一體 屬主過往的朋友 與主交陪無替
咱由稱義得著救 都是由主恩惠 願咱能與祂同樣 佇天與主做堆
166 耶穌聖會上帝設立 Bb 弗5:27a
1.耶穌聖會上帝設立 顯出恩典慈悲 兄弟姊妹同心聚集 齊聲謳咾吟詩
2.上帝在早未造天地 聖旨大先定著 由主耶穌揀選聖會 永遠深深愛惜
3.救主降生流血贖罪 功勞極大無比 上帝的子保惜聖會 永遠結連無離
4.聖神常常助咱的心 信主益發堅固 仁愛愈大盼望愈深 大家日日進步
5.敢採路中遇著迷惑 懇求上帝照顧 雖然經過多多窘迫 倚靠天父保護
6.到尾得勝穩當上天 聖會就都齊全 謳咾上帝到萬萬年 永遠享受榮光
167 宇宙萬物造成 E 弗1:23a
1.宇宙萬物造成，顯出上帝名聲；不及恩典格外，救贖建置聖會；
揀選聖徒交代耶穌，上帝聖會真正寶貝。
2.開闢天地大先，聖徒名姓記明；到時救主降世，流血替人獻祭；
無分宗族無別邦國，天下四處設立聖會。
3.聖神感動無息，召人出死入活；引導信靠耶穌，指示行天路途；
用主福音勉勵人心，加添德行教會成聖。
4.聖會自古及今，上帝時時關心；拯救脫離災害，導到榮光所在；
救出罪惡倘入天國，上帝聖會實在寶貝。
168 求主奮興教會 Ab 哈3:2b
1.求主奮興教會 伸𧃸權能聖手 用𧃸活命有力的話 感化眾人聽受
2.求主奮興教會 叫醒紛迷心志 此時噴𧃸將灰的火 用𧃸萬能的氣
3.求主奮興教會 予人心靈愛𧃸 口渴欣慕活水的溪 予阮心神奮起
4.求主奮興教會 充滿聖神恩賜 福音真理遍傳全地 榮光都歸佇主
169 主耶和華至尊至大 Ab 詩119:35
1.主耶和華至尊至大 當謳咾祂的名 宇宙萬物以及人類 都是由祂造成
2.主的律法極其完全 當降服順趁祂 世間賢人愚戇自專 驕傲去行不義
3.主耶和華慈悲仁愛 親像父母愛子 主的愛疼直到萬代 所應允都必成
4.主的道理永遠存在 至尊至貴無比 主的審判公明正大 咱倘安心歡喜
5.主的聖神無所不在 感化人反悔罪 棄惡歸善誠心服事 歡喜屬主聖會
170 請咱大家大聲唱歌 F 弗5:25
1.請咱大家大聲唱歌，感謝謳咾耶和華，聖子降世設立聖會，施恩救人赦免罪；
上帝恩典極大無比，耶穌為咱來受死，咱若靠祂就都免驚，到尾穩當會較贏。
2.上帝聖會遍滿天下，原本咱人是一家，歡喜進入耶穌聖會，與父上帝相交陪；
上帝聖會無論老幼，偎靠基督就得救，富貴貧賤無分彼此，天下只有一個主。
3.原本主踮明宮聖所，甘願降世受艱苦，拯救人類脫離死罪，引導眾人入聖會；
聖神暝日保護照顧，贊咱好膽行天路，跟主腳步趁祂來行，到尾穩當入天城。
171 聖徒聚集主聖殿 G 詩150:1a
1.聖徒聚集主聖殿，哈利路亞，謳咾上帝大榮顯，哈利路亞，
天使圍圍祂寶座，哈利路亞，為祂仁愛同謳咾，哈利路亞。
2.從地到天天到地，哈利路亞，傳主奇妙與寶貝，哈利路亞，
天邊海角各時代，哈利路亞，謳咾稱讚主仁愛，哈利路亞。
3.謳咾上帝大慈悲，哈利路亞，感謝鴻恩與攝理，哈利路亞，
祂差聖子來世間，哈利路亞，甘願受苦拯救咱，哈利路亞。
4.心肝歡喜手彈琴，哈利路亞，音韻和諧出聲吟，哈利路亞，
同心一意敬拜主，哈利路亞，謳咾祂長長久久，哈利路亞。
172 至尊的主宰，上帝是聖 Eb 出15:11
1.至尊的主宰﹐上帝是聖， 咱佇主面前得恬靜恭敬；
心肝得謙卑承受真理， 稱謝謳咾主極大的慈悲；
耶和華全智祂恩典無限，耶和華至大祂賜福予咱。
2.永活的天父﹐上帝是愛， 祂賞賜聖子替咱獻性命；
救主流寶血洗咱的罪， 傳主的福音干證咱得做；
一齊謳咾主吟哈利路亞，專心服事主暝日都無厭。
3.全能的君王﹐上帝是義， 咱得順服祂得活命福氣；
主要佇末日審判人類， 人得緊反悔倘享受恩惠；
聖徒入明宮得榮光歡喜 成聖親像祂同謳咾吟詩。
173 上帝此時臨在 G 哈2:20
1.上帝此時臨在，大家同心敬拜，佇主面前虔誠服事；
上帝佇聖殿內，大家恬靜禮拜，心肝專一敬虔跪拜。
獨一真父上帝，信靠主免掛礙；謳咾祂到萬代。
2.上帝永遠存在，彈琴彈瑟和諧，萬姓萬族圍圍敬拜；
聖哉聖哉聖哉，音韻透到天涯，天使聖徒近前服事。
懇求主俯落聽，阮所吟卑微聲；要謳咾𧃸尊名。
3.懇求萬福源頭，清氣我心齊透，只靠聖主慈悲長流；
親像聖使齊齊，看𧃸燦爛榮耀，予阮謳咾透到父兜。
聖旨意到永遠，萬軍的主臨到；管理聖會做頭。
174(222B 人若結連佇主耶穌 Eb 林前1:30
1.人若結連佇主耶穌 就成做祂子民 無分東西無別門戶 大家相愛相親
2.主賞賜咱真實的心 結連成做一家 救主恩愛極大極深 賜福久長無替
3.世界萬邦萬國萬民 平平是主所愛 大家都總和睦相親 做祂真實的子
4.無論佇東無論佇西 萬民都受恩典 同心合體相與敬拜 永遠佇主相連
175 世上危險親像大浪 F 啟4:11
1.世上危險親像大浪，常常圍咱反復不定；只有佇主施恩座前，咱心才會得著平靜。
2.主有差遣聖神落來，做保惠師踮咱心內；人類四散遠到天涯，與主相通佇各所在。
3.迫切祈禱求𧃸賞賜，佇天謳咾敬拜久久；榮光尊貴威嚴富有，都歸座位永活的主。
176 上帝眾奴僕，報主予人知 G 啟15:4
1.上帝眾奴僕 報主予人知 祂奇妙的名 傳到通世界
救主完全得勝 祂名當稱讚 祂聖國是榮光 管理通世間
2.主高高統治 萬權能救世 尚且祂是近 祂與咱佇賛
眾信徒大會罪 稱讚祂得勝 認明拯救耶穌 做王坐天頂
3.拯救歸上帝 祂坐佇寶座 咱都當出聲 謳咾聖羊羔
眾天使都報揚 稱讚主耶穌 趩大家都伏落 敬拜且稱呼
4.今咱來敬拜 祂堪受尊榮 都總的權柄 智慧與權能
尊貴以及祝福 聖使無數萬 謳咾感謝無盡 愛疼永無限
177 至聖至高上帝 Eb 弗5:30
1.至聖至高上帝 榮光遍滿天地 父子聖神三位一體 永遠踮佇聖會
2.會內兄弟姊妹 今與天父和好 都總同心服事上帝 久長歡喜謳咾
3.咱求上帝照顧 賞賜心神靈通 日日導咱行天的路 死後永踮天堂
178 阮愛上帝聖殿 F 來10:19
1.阮愛上帝聖殿，救主榮光遇現；佇這有大歡喜，贏過世上無比。
2.這是祈禱的厝，聚集交陪我主；上帝佇這施恩，接見受揀羊群。
3.阮愛活命的話，傳主奇妙所做；平常會受安慰，平安快樂相隨。
4.阮愛佇這吟詩，謳咾音語慈悲；欣慕天頂聖詩，稱贊救主勝利。
5.救主賜阮恩典，一生聽𧃸無變；後日佇天見𧃸，聖徒一齊讚美。
179 懇求上帝憐憫 Bb 詩118:19
1.懇求上帝憐憫 給我施恩賜福 顯出歡喜的面 榮光普照奴僕
〔天下播揚救世法度〕*2 引導萬民行主道路
2.天下萬邦萬國 謳咾上帝尊名 大家歡喜快樂 誠心感謝出聲
〔地面眾人上帝治理〕*2 審判百姓都照公義
3.天下萬民萬族 佇主面前謳咾 懇求上帝賜福 土地生出珍寶
〔上帝降福賞賜恩惠〕*2 天邊海角眾人敬畏
180 願主踮阮中間 G 約20:19b
1.願主踮阮中間 用復活權能 予這敬拜時間 受分別做聖
2.求𧃸給阮吹氣 聖神入心內 驚惶煩惱趕開 心靈得自在
3.阮就緊行天路 活動且致意 仰望榮光前途 永遠的日子
181 謳咾主耶和華 f# 來10:25
1.謳咾主耶和華 權能愛疼極大 佇大會中我愛播揚 予人感謝唱歌
2.救主恩義久長 威嚴憐憫齊全 敬畏的人祂賜各項 好物多到�疞�
3.上帝所設法度 公義真實堅固 祂從永遠續到永遠 大開拯救的路
4.上帝的名至聖 萬民應該恭敬 祂有立約赦咱罪屬 予咱能上天庭
5.當敬畏耶和華 因為主恩極大 趁祂來行心免驚惶 謳咾感謝無息
182 主賜永活米糧 Eb 約6:35
1.主賜永活米糧 給我歡喜 親像昔日分餅佇加利利
講究聖經各篇 望主指示 我心欣慕救主活命道理。
2.求主此時祝謝 所聽真理 親像祝謝魚餅佇加利利
罪人得著釋放 重擔脫離 我就能得平安永遠歡喜
183(158) 聖經親像面鏡 Eb 詩119:105
1.聖經親像面鏡 照咱心內錯誤 予咱知罪言行四正 倚靠救主耶穌
2.聖經親像路燈 當𧃸來行天路 大家當用路途光明 親近救主耶穌
3.聖經親像批信 給咱指示招呼 大家著讀能得深信 欣慕救主耶穌
4.聖經親像金銀 咱著出力圖謀 天父賞賜各人有份 信靠救主耶穌
184 上帝聖經內面 Eb 羅15:4a
1.上帝聖經內面 有一項極奧妙 啟示地上萬民 就是主的榮耀
2.早時踮佇哈蘭 奴僕阿伯拉罕 看主榮光顯現 後來傳報給咱
3.然後聖的百姓 佇大試煉中間 明白祂聖旨意 贏過一切苦難
4.到時上帝聖子 出世佇此世間 祂做咱的心鏡 倘看天父燦爛
5.現時主的聖會 佇社會賛活動 由主活命的話 拯救世間眾人
185 上帝命令眾人著聽 Eb 約5:39
1.上帝命令眾人著聽 歡喜承受福音真聲 聖書著現上帝大恩 主救世間解人憂悶
2.聖書所傳正道真實 滋味極妙較甜蜂蜜 上帝道理實在珍寶 比銀比金萬倍較好
3.萬民徛起死地蔭影 聖書著現上帝榮光 顯明真理就是福音 聖神照光咱人的心
4.聖書指示永活的路 教人信趁榮光耶穌 真光來照咱行妥當 深信盼望能到天堂
5.今咱成做耶穌學生 常常講究上帝聖經 聖神感化各人心肝 趁主旨意福氣滿滿
186 咱行世間的路 D 路24:32
1.咱行世間的路 心肝艱難鬱啐 因為心肝未能曉悟 艱苦亦講不出
後來行到路中 佇無打算的時 幫助的人來對咱講 予咱倘聽道理
2.咱嘴久久無開 今真難得振動 不苟因為有遇著祂 咱就與前不同
問祂多多的事 論拿撒勒耶穌 是怎樣這先知身驅 佇十字架受苦
3.後來彼人就講 他死豈不應該 咱若明白這本聖經 就愛歡喜敬拜
祂就引起摩西 及舊約眾先知 來教示咱導咱跟祂 實行主所指示
4.心肝就大歡喜 迫切來對祂講 請𧃸佇阮中間教示 予阮受大感動
後來坐桌的時 耶穌取餅祝謝 擘破給咱就認得祂 是主咱所敬愛
187 舉目來看天父聖山 G 賽2:2
1.舉目來看天父聖山 贏過都總山嶺 堅固徛在四圍倘看 萬國都歸主名
2.天下萬邦出聲歡喜 萬姓萬族齊來 上到山頂與主相見 佇祂的聖殿內
3.從錫安山顯出大光 普照各國各省 至大君王管理齊全 萬民當趁命令
4.祂必坐位審判萬國 判斷都照真理 制壓驕傲罪人降服 用權保護正義
5.無再戰爭亦無計較 年年享受太平 所有槍刀打做犁頭 軍器今都免用
6.永無軍隊復再接陣 遇著死傷可憐 號頭無用吊佇壁頂 免再學習戰爭
7.雅各的家眾人得來 佇主聖殿敬拜 徛起上帝光明中間 成聖美麗燦爛
188 凡若日光所照的位 Bb 詩72:8
1.凡若日光所照的位 耶穌佇彼管理萬類 月有時圓有時沒去 尚且聖國各位建置
2.咱眾大家時常祈求 讚美的聲做祂冕旒 祂名真香湧上天庭 各時各刻感謝無停
3.萬國萬民一齊開嘴 唱歌謳咾救主恩惠 男婦老幼同心出聲 感謝報揚祂大尊名
4.囚人投跳脫離鎖鍊 厭倦得著永遠安然 凡若欠缺都得補足 福氣充滿佇祂聖國
5.祂若顯出救人權能 死失咒詛無再顯明 後代由祂得著大福 贏過亞當所失快樂
189 替我打破石磐身 E Bb 賽26:4
1.替我打破石磐身，予我匿佇𧃸內面；𧃸受槍插腋下開，孔嘴流出血與水。
二項功效我都愛，赦罪洗心除惡事。
2.我雖然盡力著磨，豈能守法到一半？雖是慇勤沒厭懶，眼屎常流心不安。
靠這都不贖我罪，只有救主耶穌會。
3.我旦空手來就近，十字架下求施恩；赤體望𧃸賜衣常，軟弱望𧃸肯培養。
污穢進到活泉邊，求𧃸洗我都清氣。
4.或是世上賛渡活，或是臨終目合偎，末日神魂離地面，看𧃸坐位判萬民。
替我打破石磐身，予我匿佇𧃸內面。
190 我聽耶穌的聲說明 g 約7:37
1.我聽耶穌的聲說明「恁都踮此世間，既若勞苦來我面前，逐人都有平安」
我聽祂說欣然歡喜，隨時就去尋祂，心得平安快樂得意，永踮耶穌身邊。
2.我聽耶穌溫柔聲音「活命水泉是我，嘴乾的人得緊來飲，心靈倘得永活」
我聽祂說受著勉勵，歡喜趁祂就飲，不只爽快精神加倍，永無艱苦的心。
3.我聽耶穌的聲有說「我是世間的光，信我的人會得清爽，徛起光明中央」
我聽祂說舉頭觀看，榮光滿我心意，耶穌真光永無變換，照我行到一世。
191 天地萬物未有的時 Ab 弗3:9
1.天地萬物未有的時 上帝自然永遠徛起 三位一體獨一主宰 無所不能無所不在
2.智慧權能永遠不廢 仁愛無限恩典格外 至公至義無倘推算 至聖至高極大榮光
3.祂是天地萬物本源 顯出權能極其完全 起頭上帝創造咱人 所造款式與祂相同
4.可惜咱人受迷逆命 干犯上帝嚴嚴禁令 予祂怒氣重重責備 失落永活久長著死
5.感謝上帝差子降世 歡喜甘願做人後裔 報揚上帝慈悲仁愛 予人除去一切惡事
6.顯出神蹟傳天道理 建置功勞替人受死 既若反悔靠祂尊名 就得赦罪進入天城
192(41) 天下萬國得罪上帝 C 羅3:23f
1.天下萬國得罪上帝，人人違逆誡命，所以各人遇著災禍，永遠得受重刑。
2.感謝主恩賞賜世間，耶穌替人受死，耶穌學生免驚災難，反轉快樂歡喜。
3.艱難的時咱來祈禱，上帝憐憫安慰，咱信耶穌靠祂功勞，得著上帝恩惠。
4.眾人得來信靠耶穌，歡喜趁祂旨意，佇地面上行天道路，到尾享受福氣。
193(287) 此時當就耶穌 G 約6:37
1.此時當就耶穌 耶穌佇此 以外無別條路
耶穌佇此 眾人都總當來 勿得延緩疑訝 耶穌以外無路 耶穌佇此
2.此時當就耶穌 耶穌佇此 自己都無法度
耶穌佇此 自己氣力無夠 自己德行無齊 救主便便聽候 耶穌佇此
3.此時當就耶穌 耶穌佇此 天下無別條路
耶穌佇此 罪過雖然極重 尚且不免絕望 救主滿心愛疼 耶穌佇此
4.此時當就耶穌 耶穌佇此 人人感謝稱呼
耶穌佇此 救主極大權能 施恩給咱洗清 咱當好膽近前 耶穌佇此
194 我行迷路耶穌近倚 Eb 約8:12
1.我行迷路耶穌近偎 就出溫柔的聲 叫說真光活路是我 你得跟我來行
我跟耶穌就有大福 心肝能得光明；旦我行路不免差錯 福音親像路燈
2.我倦失志耶穌近偎 顯出憐憫慈愛；叫說予人平安是我 你旦何事不來
我予耶穌扶持照顧 安息佇祂胸前 即時脫離艱難勞苦 心肝安然極清
3.我饑嘴渴耶穌近偎 顯明慈悲的心 叫說活餅活水是我 你得來食來飲
我從耶穌得著豐盛 來飲來食這筵 彼時以後無再欠用 路尾亦能升天
195 當噴禧年號筒 D 路14:17
1.當噴禧年號筒 福音拯救的聲 天下萬國萬人 男婦老幼都聽
[和]大赦禧年已經到期 上帝差子召咱歸祂
2.咱做亞當後裔 為罪失落樂園 上帝的子降世 替咱討業倒轉
3.咱做撒但奴僕 眾孽愈久愈重 耶穌流血救贖 靠祂就得釋放
4.天國門路大開 天父排大筵席 罪人不論是進 著來同坐飲食
196 或是厭倦或是憂悶 G G 太11:28
1.或是厭倦或是憂悶 或是心艱難 耶穌叫講當來就我 得平安
2.祂能救我記號有無 予我倘去尋 傷跡現現佇祂腳手 與腋下
3.我來靠祂我來跟祂 就今世何事 亦有服勞亦有憂悶 流眼淚
4.猶原靠祂猶原跟祂 到尾何福氣 無再服勞無再憂悶 無再死
5.我若祈禱迫切懇求 祂能拒絕否 天地萬物雖然廢無 斷斷不
6.尋祂靠祂順祂跟祂 祂能賜福否 先知聖人天使聖徒 應講能
197 既若有人予罪苦楚 G 太11:29
1.既若有人予罪苦楚 當尋救主耶穌 主極慈悲又有權能 靠祂心肝能清
[和]不過信祂 不過靠祂 此時信靠祂 祂能救你 祂必救你 此時拯救你
2.救主耶穌無惜自己 甘願替人受死 祂流寶血能洗白白 予心清潔如雪
3.耶穌就是真理活路 行這能得保護 大家緊緊來信基督 就能享受大福
198 世人紛紛罪惡多端 Ab 彼前2:25
1.世人紛紛罪惡多端 都總差錯失了本原 離開上帝失迷路途 心肝黑暗不知正路
2.獨獨上帝慈悲發現 照我光明改惡從善 設使不是上帝權能 因何能得棄邪歸正
3.耶穌受死贖我罪過 聖神感化使我行好 心肝既然變換重新 就能去覲上帝的面
199(410) 至尊上帝至仁愛 e Eb 徒2:38
1.至尊上帝至仁愛 照顧咱人好款待 天地萬物祂創造 咱著誠心來服事
2.可惜人人心黑暗 都趁魔鬼行惡事 放縱私慾逆天命 彫刻偶像去跪拜
3.感謝上帝極憐憫 差遣耶穌降落來 顯出仁愛給人信 擔當咱罪受陷害
4.今當反悔信靠主 倘到天堂好所在 福氣滿滿都齊備 永遠享受無掛礙
200 耶穌愛人恩典格外 Bb 約壹4:19
1.耶穌愛人恩典格外 歡喜降世救人脫罪 暝日扶持暝日照顧 救主愛疼無量無數
2.祂看見我真重罪過 我未愛祂祂先愛我 來贖我罪替我受死 救主愛惜真大無比
3.或是魔鬼惡人串通 或是私慾常常擾動 尚且我行允當路途 救主愛惜日日保護
4.現時雖踮憂悶世界 後來能到平安所在 我趁上帝盡心盡情 救主愛惜允當無停
5.彼時上帝允我上天 直到救主榮光身邊 永與聖徒同徛天庭 一齊謳咾佇主面前
201 救主愛疼的聲 Eb 約壹1:7
1.救主愛疼的聲，我當歡喜來聽，𧃸予我累犧牲流血，救我罪人性命。
[和]主我來就𧃸， 我旦就近𧃸。 將𧃸所流的寶血， 洗我罪惡清氣。
2.救主愛疼的聲，我得刻住佇心，擔我罪債釘十字架，愛我實在真深。
3.救主叫我進前，我得聽趁命令，知我軟弱快趁私慾，予我能得成聖。
4.救主叫我儆醒，我得祈禱無停，得行仁愛守主的誡，直到進入天堂。
202 通世界歸主耶穌 Eb 路24:47
1.通世界歸主耶穌 此句做咱標語 不論高山與大海 都總使趩歸主
通世界歸主耶穌 全人類當拜祂 不論街市及山野 全世界都歸祂
2.通世界歸主耶穌 進軍號令的聲 去傳報主的福音 傳給各人都聽
通世界歸主耶穌 展開咱的戰旗 今當為主來交戰 予通世界歸祂
3.通世界歸主耶穌 佇咱天父的家 有真多好的厝宅 光明愛疼的厝
通世界歸主耶穌 得勝的王緊來 凱旋地面各所在 榮光到通世界
203 天下遍遍各邦國 Eb 可16:15
1.天下遍遍各邦國 人人心肝黑暗 本做撒但的奴僕 情形實在悽慘
天父仁愛大慈悲 養飼保護萬民 可惜百姓不拜祂 去拜偶像鬼神
2.咱做耶穌的學生 得知救世法度 當舉真道的光燈 導人同行天路
福音當傳普天下 東西南北都聽 教人順服咱天父 信靠救主尊名
3.田園五穀大四處 割稻大大欠工 懇求田主出人多 緊緊替主收冬
願主伸手縛撒但 禁佇地獄深淵 予人歸主無數萬 天國廣闊無邊
204 我真愛講這故事 Bb 詩20:7b
1.我真愛講這故事 天頂奧妙的事 論主極大的榮光 以及祂大仁愛
我真愛講這故事 因為我知是實 予我心安兼知足 勝過香花甜蜜
[和]我真愛講這故事 上天亦講這故事 永遠新新的故事 思念愛我的主
2.我真愛講這故事 愈思愈有滋味 世間各項所盼望 都總與這不比
我真愛講這故事 由這受大感激 所以報我所經過 望恁來得利益
3.我真愛講這故事 親像樂器的聲 各次愈思愈出奇 愈講亦愈好聽
我真愛講這故事 世人真多未聽 上帝聖經所記載 福音救人的聲
4.我真愛講這故事 雖然聽到熟熟 猶原愈饑愈口渴 欣慕愛聽至極
到佇榮光的所在 賛吟天頂的詩 亦是記念這故事 救主仁愛無此
205(318) 救主耶穌有萬權能 F 詩33:12
1.救主耶穌有萬權能 掌管天頂地下 眾人應該做祂學生 誠心來領洗禮
2.耶穌榮光賛照世間 聖神踮人心內 是大是小歡喜信趁 同心一意服事
3.願普天下萬國太平 享受耶穌恩典 眾人相愛同心同情 大家與主相連
4.今咱懇求聖神落來 教人認識耶穌 救主大恩使人都知 熱心感謝稱呼
206(225) 今日是主設立做聖 G 可2:28
1.今日是主設立做聖 我當遵守來得安寧 求主今日踮我心內 除我黑暗使我光明
2.今日救主出墓復起 較贏陰府救人出死 求主今日使我得勝 脫離罪惡復活屬𧃸
3.今日上帝賞賜聖神 親像火焰從天降臨 求主今日感動我心 致意祈禱聽主福音
4.迎接光明活命日子 世上勞苦今日放離 今日是主恩典賞賜 我心情願奉獻給𧃸
207 這是光明的日 G 詩36:9
1.這是光明的日，光明旦大著顯；我心黑暗求𧃸照光，永遠做𧃸聖殿。
2.這是安息的日，安慰勞苦艱難；心神厭倦身軀軟弱，求主扶持幫贊。
3.這是平安的日，平安滿我心靈；旦我煩惱一盡消無，紛爭也都平靜。
4.這是祈禱的日，求主降臨出現；幫助我心向天抬主，予地與天相連。
5.這是復活的日，求主施恩極大；懇求聖神叫醒我心，今日予我復活。
208(382) 天地創造都完備 G 創2:3
1.天地創造都完備，上帝安息賜福氣；人學上帝的款式，在早有守安息日*2。
2.眾人犯罪天受氣，耶穌降世替咱死，救贖完成艱苦束，七日頭日主復活*2。
3.耶穌愛咱救靈魂，咱得孝念祂大恩，感謝敬拜心誠實，常常來守安息日*2。
4.上帝聖冊說極真，末日天地換做新，耶穌學生受大福，永遠安息佇天國*2。
209 安息主日第一好 Ab 詩118:24
1.安息主日第一好 心神靠主免煩惱 清早睡起求天父 大恩賞賜普天下
祈求聖神大降臨 幫助兄弟傳福音 上帝對敵就降服 反悔信主入天國
2.男婦老幼受苦勸 心肝極硬變作軟 靈魂重眠主叫醒 死心得著重頭生
黑暗愚蠢學智慧 憂悶驚惶受安慰 求主顯明大榮光 各項欠缺補十全
3.上帝恩典結果子 仁愛和平與歡喜 大家心內成做聖 日日顯出好品行
生前守主的聖日 信趁上帝著誠實 盼望死後能上天 安然享福萬萬年
210 上帝律法第四誡 c 徒20:7a
1.上帝律法第四誡 教人專心守禮拜 士農工商此日停 天父大福降落來
2.救主用死贖罪過 七日頭日祂復活 咱當思念祂功勞 謳咾感謝無時息
3.救主助咱心能清 敬畏上帝愈虔誠 無想世間眾事務 注神致意向天庭
4.懇求聖神今降臨 助咱禮拜能專心 溫柔謙遜受教示 道理愈久識愈深
5.聖神助咱心向上 誠心祈禱如芳香 吟詩謳咾同出聲 至高上帝歡喜聽
211 上帝設立安息聖日 F 詩118:24
1.上帝設立安息聖日 應允賜福天下萬民 此日信徒恭敬來守 恩典福氣充滿心神
[和]倘歡喜，倘歡喜， 今日倘與信徒相見 至高上帝慈悲顯明 予我直到祂恩座前
倘歡喜，倘歡喜， 世上安樂無倘相比
2.今日耶穌從死復活 較贏死失魔鬼的權 和平人君永活的主 活命米糧賜我完全
3.救主愛疼極大無比 保惠先生與我徛起 感化我心能識真理 煩惱苦痛變做歡喜
4.今與信徒同入殿堂 吟詩祈禱敬拜虔誠 願主助我堅心決意 盡一世人做𧃸學生
212 咱人既然帶罪出世 Bb 徒2:38
1.咱人既然帶罪出世，就屬魔鬼逆天旨意；照天擬斷得受刑罰，偎靠自己未會逃脫。
2.聖父上帝至大恩惠，揀選咱人做祂子類；聖子替咱擔當罪過，聖神權能給咱感化。
3.三位一體與咱立約，息祂受氣赦咱罪屬；洗咱心神聖化言行，導到天堂萬福豐盛。
4.上帝盟約洗禮蓋印，表明重生堅固咱信；勉勵心性順天法度，常常照約行主道路。
213 請看善良慈悲牧者 C 賽40:11
1.請看善良慈悲牧者 面貌何等光明 祂出聲叫軟弱羊子 抱趩佇祂胸前
2.主講容允小子就我 勿得看輕藐視 從天降臨來與趩住 特持要救小兒
3.救主我將子兒導來 甘心奉獻給𧃸 永遠屬𧃸受𧃸顧愛 願主賜趩福氣
214 聖會所行的禮儀 E
1.聖會所行的禮儀 也有關係佇小兒 親像舊約行割禮 表明子兒屬上帝
2.割禮有用洗禮替 自昔以來無再改 洗禮表明約印信 就是棄舊與換新
3.小子帶罪來出世 救主歡喜賜福氣 小漢不明趩所信 父母應該替趩認
4.父母已經受洗清 趩的子兒也做聖 在昔使徒就有行 不是現今才立定
5.父母替子立盟約 不倘使趩趁世俗 常常教示信耶穌 日日引導行天路
215 耶穌身軀替咱釘死 Eb 約6:51
1.耶穌身軀替咱釘死 擘餅傳授奧妙道理 寶血流出能救學生 葡萄紅汁代代表明
2.聖會眾人相與食餅 成做一體大家相愛 都總飲杯同坐禮筵 兄弟姊妹與主結連
3.主𧃸受難阮得安穩 謳咾感謝拯救大恩 願主仁愛摧迫阮心 助阮愛𧃸日日愈深
216 活命的餅為憐憫擘破 G 約6:33
活命的餅為憐憫擘破 新約的酒流出予我 𧃸有講出活命的教示 我得赦罪是從𧃸死
我心憂傷求主來看顧 我流目屎為罪艱苦 願𧃸筵席做恩典記號 阮得養飼免閣饑餓
217 受賣彼暝救主耶穌 G 路22:19f
1.受賣彼暝救主耶穌 取餅祝謝擘予使徒 說我身軀替恁打破 恁取去食來思念我
2.然後捧杯感謝上帝 講此個杯給恁大家 我血流出罪人得救 赦罪的恩給恁享受
3.上帝與人要立新約 白白施恩赦免罪惡 恁飲的時倘思念我 甘願捨身贖恁罪過
4.今日耶穌佇聖會間 獻祂本身白白予咱 咱取來食承受來飲 歡喜救主踮咱的心
218 主！我旦就近愛覲𧃸的面 F 林前1:9
1.主我旦就近愛覲𧃸的面 由接受物件來與主相親
用堅固雙手擒住𧃸仁愛 將一切憂傷交託𧃸手內
2.主我欲承受天裡的真餅 飲𧃸的杯來思念𧃸的愛
旦我要放拺地上的操煩 重新來享受赦罪的平安
3.旦我欲吟詩來赴主筵席 為我所備辦逐項真夠額
旦我要享受盡量來享福 與主相交陪得永遠快樂
4.除去𧃸以外我都無幫贊 只靠我救主就會得平安
主啊只有𧃸我就真滿意 只靠𧃸氣力我就大勝利
219 主﹗𧃸身軀替我受傷打破 F 林前11:24
1.主𧃸身軀替我受傷打破 流出寶血顯出真正愛我
今我坐桌恭敬感謝吟詩 用按睨思念用按睨思念 用按睨來思念𧃸
2.世間榮華快樂都無久長 只有救主十架永遠榮光
我要獻身願主時常指示 倘永遠服事倘永遠服事 倘永遠來服事𧃸
3.我今迫切欣慕愛就近𧃸 常常謳咾吟詩暝日歡喜
救主耶穌助我各時忠義 直到𧃸再來直到𧃸再來 直到𧃸再來的時
220 受主贖回，受主醫治 Eb 林前11:26
1.受主贖回受主醫治，旦咱一齊來數念祂；表明救主替咱受死，到祂再來。
2.救主寶體為咱打破 這餅做樣大家來看 養飼咱心愛主愈大 到祂再來
3.救主愛咱恩典格外 流祂寶血來贖咱罪 葡萄紅汁表明不廢 到祂再來
4.受賣彼暝主設聖禮 流傳到祂又再臨世 代代執守思念無替 到祂再來
5.彼時聽見哨角大鳴 古今墳墓一齊震動 天使大聲叫醒眾人 主就再來
6.存這仰望有大福氣 守主聖餐心免失志 堅心等候專心向祂 到祂再來
221 在早上帝默示聖經 a 林前11:23
1.在早上帝默示聖經 要設恩典法度 到時就差聖子降生 用死來開活路
2.主近臨終設立晚餐 成做準當為記 予咱思念贖罪苦難 亦望天堂福氣
3.照主命令咱坐筵席 擘餅捧杯祝謝 大家與主交陪飲食 親像佇天頂徛
4.咱踮世間雖然有罪 與主相通有福 總是不比與主聚會 佇天至聖的國
222(311) 我今來倚主𧃸面前 Eb Eb 林前11:24
1.我今來倚主𧃸面前 恭敬的心謙卑 愛守聖禮趁𧃸命令 按睨來思念𧃸
2.𧃸的聖體替我受死 做我天餅就是 新約的杯我伸手接 行這來思念𧃸
3.客西馬尼祈禱慘慼 𧃸的心肝傷悲 汗滴如血為我的罪 豈不當思念𧃸
4.今我心目看十字架 我主佇彼釘死 上帝羊羔做贖罪祭 我的確思念𧃸
5.來思念𧃸苦痛艱難 想𧃸愛我無比 我一世人活佇世間 決斷要思念𧃸
6.直到我嘴不能再吟 無力生命將息 主大榮光從天降臨 求主當思念我
223 我心神當歡喜起來 Eb
1.我心神當歡喜起來 離開悲傷憂鬱地界 向前進入光明聖殿 歡喜服事誠心敬虔
因為救主恩典無限 賜咱奇妙福音大餐 主佇天頂掌權治理 尚且俯落與咱徛起
2.咱如新娘出來迎接 親愛恭敬與主相見 祂必施落活命恩愛 佇咱心外叩門等待
今緊開門請主入來 與祂親密恭敬服事 復對主講我迎接𧃸 從今無復與主相離
3.主是日頭照我一生 大光照我心靈精英 𧃸是人類最大快樂 活命水源給我賜福
跪𧃸腳下謙卑求恩 予我堪得與𧃸親近 領受從天福氣米糧 榮光主名心得培養
4.活命真餅我今求𧃸 予我歡喜遵趁聖旨 受𧃸招待未曾損害 願我用愛報𧃸仁愛
由這筵席使我曉悟 寶貝仁愛無量無數 阮由所受恩賜筵席 予我佇天與主永徛
224 全能天父是萬富有 F 弗2:19f
1.全能天父是萬富有 𧃸無徛起手造的厝 阮用信仰興建聖殿 予主聖名得著榮顯
2.阮受起造來做見證 踮佇使徒地基面頂 主做厝角要緊活石 大家倘入聖殿求叫
3.讚美詩歌充滿殿內 男婦老幼同心敬拜 憂傷心靈得著安慰 艱難欠缺𧃸賜恩惠
4.有罪的人凡若來此 誠實認罪求叫主名 救主應允歡喜赦免 予人得著極大恩典
5.佇主殿內宣揚福音 鼓勵奮起世道人心 旦阮舉行奠基典禮 願𧃸鑒納賜福萬世
225(206) 願父上帝此時降臨 G 王上8:13
1.願父上帝此時降臨 聽𧃸奴僕祈求聲音，阮用敬虔誠實謙卑 將這聖殿奉獻給𧃸。
2.從旦以後佇這殿內 充滿和平真理仁愛，佇這聽受福音真聲，盡力宣佈救主尊名。
3.困苦的人聽受恩惠、憂悶的人得到安慰、硬心的人受到感動、軟弱的人得到勇壯。
4.佇這死心倘得復活、聾耳聽見啞口唱歌、卑微的人不免躊躇，主要予他平安恩賜。
5.懇求上帝佇這施恩，時刻歡喜予阮親近，願眾信徒尊這做聖，謙卑奉獻作𧃸祿用。
226 阮旦佇主聖殿 a 提後2:15
1.阮旦佇主聖殿 欲行就職禮典，奴僕恭敬佇主面前，立誓做𧃸差用。
2.願主賞賜才能 予他信德純正，待人溫柔致意靈修，信徒倘得造就。
3.賜他智慧通達，證道有大氣力，擁護真理忠心牧會，勸戒罪人反悔。
4.有時遇著困難，願主開路幫贊，堅固奴僕受召受揀，教勢日日振興。
5.高舉十架福音，救靈服務專心，予主稱做盡忠奴僕，倘入主的快樂。
227(117A) 阮同心為此人聚集 Eb 林後4:5
1.阮同心為此人聚集，設立他做牧師；懇求天父施恩照顧，永遠做他的主。
2.予他常常有好機會，報揚福音真聲；充滿聖神引導眾人，來靠救主尊名。
3.予他存心純良謙卑，跟主腳步來行；予他做工真正好膽，干證道理無驚。
4.敢採遇著試煉艱苦，求𧃸贊他較贏；至大主宰導他到尾，榮顯天父尊名。
228 耶穌聖會照法度 Bb 徒20:28
1.耶穌聖會照法度，揀人當職來眷顧，長老職份責任重，導主羊群行正路。
2.品行端莊模樣正，會內會外好名聲，公道嚴謹善教示，仁愛和平出力行。
3.自己家眷先致意，照主誡命教子兒，全家大小屬聖會，才會同心相扶持。
4.信徒冷心欲犯罪，指點牽救趁機會，會內所有的小子，也得小心來栽培。
5.求主引導幫贊趩，予趩自己善謹慎，盡忠照顧主羊羔，聖會堅固日日新。
229 聖會應該有執事 G 徒6:3
1.聖會應該有執事，使徒所立的規矩，起頭設立的因端，為著會中有孤寡。
2.聖會建置愈廣闊，才立執事同著磨，緣項愈久兌愈多，大大利益佇教會。
3.得有名望受聖神，智慧齊備又深信，專心守主真道理，無貪不義的財利。
4.言語行做當端正，治家教子照聖經，勸捐感淚人的心，好膽干證主福音。
230 懇求至尊的天父 Ab 西3:14
1.懇求至尊的天父，與阮同聚會。阮旦要行婚姻禮，遵趁父上帝。
各項要趁主旨意，所行要合主真理。夫妻結約到一世，同心同歡喜。
2.旦趩徛佇主面前，愛結約證明。夫妻得守主誡命，相愛盡一生。
同甜同苦同徛起，相與體貼相扶持。相和相愛常吟詩，予主倘歡喜。
3.今日結約成夫妻，榮光父上帝，懇求仁愛的天父，降福永無替。
予趩會識主大恩，為主熱心相憐憫。同行天路堅固信，願主祝福趩。
231 上帝設立萬國 D G 創2:24
1.上帝設立萬國 大大施恩賜福 起頭天下本由一家 後代分設宗族
2.起頭夫婦二個 配合是由上帝 予趩結連成做一體 盡一世人無替
3.上帝設立婚姻 趁祂道理結親 一男一女配合夫婦 相敬相愛相信
4.今趩二人相排 兩家親長意愛 舉行典禮結做夫妻 望主降福落來
5.今日結約分明 敬愛當盡一生 同苦同甜遵趁道理 相與體貼性情
6.懇求三位一體 父子聖神上帝 從今照顧趩行天路 久長降福無替
232 今日大家聚集歡喜 G 詩32:8
1.今日大家聚集歡喜，謳咾上帝齊聲吟詩；舉行聖會所定禮儀，宣佈二姓聖潔婚期。
[和]求主賜福氣，求主賜福氣，贊趩常常守主教示；
求主賜福氣，求主賜福氣，予趩得主平安歡喜。
2.今日以後言行舉止，逐項得照救主教示；敬大愛小家室相宜，就倘榮光上帝名字。
3.懇求上帝逐時贊趩，誠心結約到佇終身；同苦同甜快樂得意，相敬相愛結連無離。
233 咱人生命無定著 X 詩90:5f
1.咱人生命無定著，一寸光陰當寶惜；生前緊緊反悔罪，死後欲改無機會。
2.老人衰弱氣將斷，過往時刻難打算；親像鳥隻緊緊飛，溪水流落直直過。
3.少年勇健無疑誤，較早老人能歸土；譬喻雲霧罩大山，遇著日出忽然散。
4.日月催逼人快老，的確無久死就到；福音真理無承受，靈魂怎能得著救。
5.逐人出世空手來，計謀富貴積錢財；到尾過往空手去，家業富貴都放離。
6.人客一暝宿客館，天光起身無遲緩；咱踮世間如出外，盼望天頂永遠住。
234 我若出外人客 G 林後5:2
1.我若出外人客，天是我家， 世間不是祖家，天是我家，
勢面危險憂悶，現在不時相近，天堂我亦有份，天是我家。
2.雖有艱苦的事，天是我家， 我做人客無久，天是我家，
艱苦傷悲攪擾，無久就能過了，安心等候主召，天是我家。
3.無論遇著啥事，天是我家， 我心全無掛慮，天是我家，
路尾的確歡喜，予主接納上天，天堂久長徛起，天是我家。
235 細漢囝仔與大人 A 伯1:21
1.細漢囝仔與大人，住世間暫時盼望；佇天不再相離，這算做大福氣。
2.人若誠實愛救主，日後倘入父的厝；大家吟詩歡喜，這算做大福氣。
3.細漢囝仔誠實心，尋救主求祂可憐；都倘相見無離，這算做大福氣。
4.咱所愛的是大人，兄弟姊妹心相同；聚集不再相離，這算做大福氣。
5.咱佇彼稱做聖徒，到永遠謳咾耶穌；與祂不再相離，這算做大福氣。
236 佇彼旁榮光土地 D 林前13:12
1.佇彼旁榮光土地，我靈魂的祖家， 我歡喜逐日進前，到彼時上天庭，
我逐日越思越愛，到天父榮光所在，佇彼有親友聖徒，為著我賛等待。
2.愛的光大照顯明，佇祖家彼一旁， 雖隔斷地上姻緣，能相接再結連，
光的星雖然失去，佇彼位榮光發起，雖絕望艱苦失志，能復到大歡喜。
3.佇彼時父母子兒，倘相見踮佇天， 眾親友兄弟姊妹，永遠住父的家，
佇彼位天氣清彩，無煩惱無流眼淚，到彼時將看真明，再相見佇天庭。
237 天堂極好所在 F 伯1:21b
1.天堂極好所在 天使唱歌和諧 信主的人小子過世 佇遐享受福氣
2.小子亦有罪根 靠主就免沉淪 旦歸天堂永遠享福 佇遐與主快樂
3.天父將這子兒 託咱教示養飼 旦主愛惜召他上天 暫時與咱相離
4.父母兄弟親人 不免憂悶苦痛 不久猶原成做一家 與主享福無替
238 我是下賤卑微重罪 F 腓2:7
1.我是下賤卑微重罪 做主學生不配 由主愛疼稱做朋友 仁慈奇異罕有
2.慈悲聖主我真軟茈 不配做𧃸的子 佇主面前實在污穢 𧃸亦看做寶貝
3.原本主踮榮光所在 罪惡未能陷害 擔當阮罪替阮受刑 仁愛難得講明
4.救主放拺榮光座位 離開天堂富貴 甘願為我卑微罪人 受苦救我本身
5.主佇世間寶體受釘 歡喜忍受重刑 至極吞忍聖潔一生 嘴舌難得講明
6.愛疼人君成人形體 為著愛我降世 不敢舉頭看𧃸的面 我這見誚罪人
7.我若有什麼倘倘取 全然是𧃸賞識 主能保守屬𧃸的人 求𧃸顧我穩當
239 可惜我心黑暗 C Eb 路18:13
1.可惜我心黑暗 受著魔鬼迷惑
離開天堂路站 險險行到地獄 懇求聖神此時降臨 用主福音來照我心
2.可惜我心污穢 充滿不義心情
出世以來犯罪 末日當受重刑 懇求聖神此時降臨 用主寶血來洗我心
3.可惜我心不清 有病有死掛礙
且有私慾縱橫 益發嘆氣心內 懇求聖神此時降臨 用主平安充滿我心
4.可惜我心軟弱 行善都無齊備
敬愛上帝未足 世間事情致意 懇求聖神此時降臨 用主完全堅固我心
240 抽餉的人上帝面前 G 路18:13
1.抽餉的人上帝面前 來認自己罪過 不敢舉目獨獨搥胸 求講可憐救我
2.我如彼人亦搥心胸 心內煩惱極大 救主𧃸有救人權能 願𧃸可憐救我
3.我將本身罪惡認明 自己無倘依偎 只靠救主贖罪恩情 懇求可憐救我
4.我知本身極惡性情 的確當受感化 主𧃸愛我纔有降生 今當可憐救我
5.我來近倚十字架前 別位不敢遷徒 等候上帝慈心顯明 施恩可憐救我
241 我罪極重不得推辭 F Eb 詩51:3
1.我罪極重不得推辭 照天律法永遠當死 知無法度倘救自己 耶穌我來就𧃸
2.我罪極重滿心驚人 自己來洗拖磨空空 主流寶血洗我清氣 耶穌我來就𧃸
3.我罪極重心內破病 親像癩貫半隨睛瞑 靈魂病症主能醫治 耶穌我來就𧃸
4.我罪極重本屬撒但 做他奴僕真正苦難 主能救我使我脫離 耶穌我來就𧃸
5.我罪極重主恩極大 接納罪人赦我罪過 聽主命令當信無疑 耶穌我來就𧃸
6.我罪極重主恩極深 賞賜聖神感化我心 情願歸主無再相離 耶穌我來就𧃸
242 主﹗求𧃸憐憫我 g 路23:42
1.主求𧃸憐憫我 除去我重罪過 世間私慾給我除離 予我內心清氣
2.主求𧃸憐憫我 掛慮鬱啐纏絆 予我做𧃸盡忠奴僕 享受𧃸的快樂
3.主求𧃸憐憫我 踮佇苦戰中間 困苦憂悶雖然近倚 賜我勇健平安
4.主求𧃸憐憫我 予我免得迷路 黑暗中間都無依倚 導我行天路途
5.主求𧃸憐憫我 風浪真高彼時 對敵攻擊兇狂迫倚 求主踮我身邊
6.主求𧃸憐憫我 經過死河的時 永遠的光使我倘看 有份𧃸的歡喜
243 律法條誡頭一個 D 太22:38
1.律法條誡頭一個，教人敬愛主上帝；盡心盡力去服侍，時時刻刻得敬拜。
2.吐氣眾人真糊塗，未曉敬神真法度；偏造偶像來服侍，得罪上帝受災害。
3.第二條誡教人行，世間眾人得相愛；自己不要莫予人，體貼他心與我同。
4.可惜人情極刻薄，心肝常想做惡毒；利益本身害別人，分毫不肯相愛疼。
5.懇求上帝准祈禱，感化我心歹變好；予我服侍主上帝，兼愛世間眾大家。
244 咱人自己詳細問 D 詩51:1
1.咱人自己詳細問，罪過多多到�疞漶F腳手嘴目與心行，時時違逆天命令。
2.早前罪債補未成，獨獨添罪加重刑；既然惹著天受氣，自己沒路倘脫離。
3.救主降世順命令，替咱擔當天報應；予咱反悔信靠祂，穩當得救不免疑。
4.上帝恩典真正大，又從聖神受感化；此時以後我決意，逐項照主所救示。
245 我前若羊失迷 G 賽53:6
1.我前若羊失迷，廄外濫糝去旋；牧者的聲我無要聽，無愛路祂去行；
我前若子放縱，無愛徛起家中；天父的聲我無要聽，愛得四廓去行。
2.牧者找羊致意，父亦找祂子兒；經過多多深坑曠野，愛得找我佇遐；
找著我險要死，飢餓精神失去；祂就可憐將我來負，救我不免失迷。
3.牧者就是耶穌，做我救主保護；流祂寶血洗我污穢，救我脫離死罪；
贊我越轉腳步，導我來行正路；導我抱我又入羊廄，永得養飼未飢。
4.我前離開羊群，辜負牧者大恩；我旦愛聽牧者的聲，歡喜廄內來徛；
我前雖然不孝，做我放心去走；旦愛順趁我的天父，永歸我父的家。
246 上帝痛疼贏過一切 F 約14:21b
1.上帝痛疼贏過一切，天頂歡喜降落地；求𧃸踮阮卑微心內，顯出𧃸極大仁愛。
救主𧃸是慈悲憐憫，𧃸的愛無限純真；將𧃸救恩此時降臨，進入阮驚惶的心。
2.全能救主施落拯救 主𧃸活命阮承受 做𧃸聖殿願𧃸降臨 永遠無離踮阮心
阮要親像天使天軍 時常謳咾𧃸大恩 永遠感謝謳咾聖名 榮耀𧃸完全的愛
3.求𧃸重新造阮心神 清氣無點無皺面 予阮看見𧃸大救恩 完全歸向來親近
予阮榮光又再榮光 直到阮進入樂園 奉獻冕旒佇主面前 謳咾稱呼永無停
247 主耶穌我要偎靠𧃸 Ab 詩71:5
1.主耶穌我要偎靠𧃸，只有倘靠𧃸；懇求𧃸施恩救贖我，到一世。
2.我要偎靠𧃸赦免我，跪佇𧃸腳前；懇求𧃸施恩憐憫我，到一生。
3.我要偎靠𧃸來洗我，洗佇𧃸寶血；求𧃸予我會得成聖，受恩惠。
4.我要偎靠𧃸來贊我，引導又指示；懇求𧃸時時牽成我，永無離。
5.主耶穌我要偎靠𧃸，予我愈純全；我要偎靠𧃸一世人，到永遠。
248 清心者有福氣 D 太5:8
1.清心者有福氣 趩必看見上帝 又能明白主聖旨意 主欲與趩徛起
2.救主離開天庭 賞賜活命和平 甘願屈低踮人中間 留好模樣給咱
3.凡若心神謙卑 主必進入徛起 主揀純全清氣心肝 做祂寶座永住
4.主阮來朝覲𧃸 願𧃸賜這福氣 予阮能得清心謙卑 做殿使𧃸徛起
249 願主伸𧃸聖手 Eb Eb 可14:36
1.願主伸𧃸聖手 牽我為我保護 雖然遇著引誘 我願行主的路
敢採佇黑暗暝 抑是山嵌深淵 主若是𧃸旨意 我行無欲延緩
2.我無偎靠氣力 亦無用我智慧 無掠自己知識 來揀欲去的位
只有得主引導 倘行妥當路途 主𧃸歡喜牽我 穩當都無錯誤
3.救主給我安排 我所當飲的杯 若是主𧃸所愛 決斷無欲辭退
無論心肝歡喜 抑是悲傷失志 主𧃸得斟滿它 我願伸手來接
4.雖有窘迫凌辱 且有死失陷害 我若受主替贖 心就安然自在
願世界眾罪惡 都滅佇主面前 倘成做上帝國 親像美妙天庭
250 救主耶穌萬福本源 D 撒上7:12
1.救主耶穌萬福本源，懇求俯落聽稱讚，主賜恩惠未曾停止，大聲吟詩來讚美。
熱心謳咾都無時停，和諧聲音透天庭，上帝愛疼恩惠極大，應該感謝都無息。
2.時時刻刻記念主恩，做主祿用愈殷勤，受主保護直到現今，願我能聽主聲音，
我若行到危險路途，耶穌引導行正路，主流寶血救我心靈，救贖導我到天庭。
3.我受恩愛極大極深，暝與日催迫我心，從旦以後贊我心正，一心愛主守誡命，
離開失迷黑暗交界，入佇光明得徛在，懇求我主認我賤名，與主永踮佇聖城。
251 慈悲愛疼大人君 e 腓3:8
1.慈悲愛疼大人君 願𧃸照顧我靈魂 大湧若山蓋落來 大風猖狂若吼獅
除死以外都無路 這身願𧃸肯照顧 導我平安到天城 謳咾上帝大尊名
2.除去主耶穌以外 我無逃閃城倘倚 無人倘靠倘親近 軟弱厭倦我靈魂
旦將萬事交託𧃸 願𧃸歡喜來指示 予我息佇𧃸翅下 照顧引導都無替
3.我的身軀滿滿是 驚人污穢賛交纏 𧃸的恩惠不止深 又有至誠真實心
流𧃸寶血洗我白 予我內外親像雪 願𧃸安慰我靈魂 雖是軟弱免憂悶
252 我從罪惡監牢脫離 Eb 詩32:7
1.我從罪惡監牢脫離 進入自由的路 上帝賞賜拯救路徑 就是救主耶穌
2.煩惱驚惶迷我心情 福音光燈照我 黑暗雲霧一盡掃清 賞賜恩典滿滿
3.暗世君王時常計謀 張設羅網陷害 救主耶穌來開活路 予我平安自在
4.真理活命永活的道 降生成做肉體 啟示上帝一概深奧 甘願犧牲救世
253 上帝權能實在奧妙 Eb 弗5:2
1.上帝權能實在奧妙，宇宙萬物表現奇巧；獨生聖子臨到世間，拯救罪人脫出災難。
2.聖子真理古今不變，甘願成做貧窮卑賤；厭倦服勞憂傷慘死，為著愛人獻祂自己。
3.奇妙愛疼難得說明，罪過受贖感淚心靈；主愛罪人愈識愈深，十架榮耀通古及今。
4.救恩這大咱得愛主，心內惡毒一切掃除；救主恩典時常充滿，誠心愛主愈久愈大。
254 我認救主無驚見羞 G X 林前1:18
1.我認救主無驚見羞 〔好膽干證道理〕*2 稱呼耶穌恩典奧妙 〔歡喜趁祂教示〕*3
2.耶穌聖名至貴至寶 〔世間無名倘比〕*2 生前靠主免致煩惱 〔死後永享福氣〕*3
3.耶穌全能真會庇佑 〔我知救主誠實〕*2 身體靈魂交祂的手 〔保全直到末日〕*3
4.審判的日上帝面前 〔救主認我賤名〕*2 佇父的厝予我房間 〔永踮天頂聖城〕*3
255 我有保護者佇身邊 e 箴29:25b
1.我有保護者佇身邊 雖然看不見永無離 誠實拯救人無變換 全能的主宰耶和華
祂肯我就得大恩惠 恩典欲降落如露水 拯救的城牆賛包圍 保守主所愛眾子類
2.上主歡喜聽我祈禱 做我大牧者與保護 一切倚靠主來排比 暝日將萬事交托𧃸
主做我日頭與盾牌 暝時就無暗無掛礙 光陰真快過如射箭 只有催迫我愈近𧃸
256 至聖救主罪人朋友 Eb 詩23:4
1.至聖救主罪人朋友 軟弱的人是𧃸所救 盡一世人牽我的手 助我來倚靠𧃸
2.與主交陪永有福氣 失落家業亦免介意 結連相通如樹與枝 猶原是倚靠𧃸
3.一生拖磨厭倦憂悶 救主各位使我親近 受𧃸照顧心肝安穩 都是由倚靠𧃸
4.有時憂悶受𧃸教督 舉目無親亦無快樂 甘願忍受歡喜降服 決意要倚靠𧃸
5.敢採行到淒清路途 光景不好莿仔滿埔 得著救主安慰照顧 因為我倚靠𧃸
6.我若盼望天堂福氣 與主交通都免失志 吞忍聽候都無訝疑 專心要倚靠𧃸
257 心目向主堅固 Eb 詩25:1
1.心目向主堅固 就是贖罪耶穌 救主上帝
今願聽我祈禱 罪惡洗清到無 予我專心倚靠 歸倚上帝
2.施恩給我勇健 助我心神安定 感化心熱
𧃸有替我受死 願我深深愛𧃸 熱誠純全心志 如火不滅
3.我行黑暗迷路 煩惱交纏腳步 願主引導
予暗變換做光 憂悶給我擔當 免我離主愈遠 無倘依倚
4.今世如夢快無 寒冷黑暗死河 無久淹我
求主彼時保庇 無復驚惶訝疑 靈魂受贖上天 與主永住
258 你若甘願予上帝引導 g 詩139:10
1.你若甘願予上帝引導，佇逐方面都仰望祂，無論啥事主氣力極大，困苦的日給你扶持；
既若靠主不變愛疼， 徛石磐頂都�𤴓n動。
2.常常嘆氣且啼哭無停 憂悶掛慮有啥利益 逐時經過黑暗的苦境 自己哀傷有啥效力
咱的十架試煉苦痛 從咱不願愈壓愈重
3.只當靜靜寬心等候祂 用盡心情來存盼望 承受天父善良的旨意 都是從祂智慧愛疼
主揀召咱來屬佇祂 知咱欠缺勿得訝疑
4.吟詩祈禱遵守主教示 忠誠盡你自己本份 得信靠祂雖然不堪得 尚久能得真實憑準
凡若實心靠主的人 祂無棄拺保趩穩當
259 耶穌是阮心所歡喜 F 約6:35
1.耶穌是阮心所歡喜 𧃸賜活命又賜光明 踮此世間心未滿意 阮倚靠𧃸心能安寧
2.𧃸的真理永遠不變 信𧃸的人得著拯救 尋𧃸的人賜趩恩典 耶穌以外阮無所求
3.耶穌做阮活命的餅 予阮倘食倘得勇健 飲𧃸活水靠𧃸尊名 阮倚靠𧃸都無驚惶
4.阮的心神有時厭倦 因為世間常常變遷 欣慕愛與𧃸相結連 求𧃸使阮較贏試煉
5.耶穌願𧃸與阮徛起 予阮時刻平安歡喜 罪惡權勢除滅到離 將𧃸聖光照阮一世
260 我心近倚施恩寶座 D 出25:22
1.我心近倚施恩寶座 主必聽我祈禱 謙卑伏拜佇祂腳前 心神穩得安寧
2.倚靠救主𧃸所應允 我就好膽親近 主叫勞苦的人就𧃸 我就進前無疑
3.罪惡的擔佇肩頭頂 撒但壓迫無停 外面交戰心內驚惶 靠主就得安定
4.求主做我盾牌保護 佇我身邊照顧 予我倘對告我者講 主死我得釋放
5.奇妙愛疼流血受死 十架見誚無比 連我極重罪人求情 𧃸亦施恩無停
261 求主教示阮祈禱 Ab 詩102:1
1.求主教示阮祈禱 好膽進前對𧃸討 賜阮信心愈堅定 聽𧃸聲音及命令
[和]求𧃸俯落聽阮祈禱 𧃸的子兒謙卑求討 阮若所求合𧃸旨意 願𧃸應允顯出慈悲
2.助阮明知𧃸旨意 盡使命徛住真理 天國聖工阮有份 千證福音報主恩
3.求主堅固𧃸聖會 作光燈導人反悔 報人知識主耶穌 俾主引導行活路
4.求𧃸聖神常引導 予阮與𧃸愈近倚 行踏學主聖模樣 榮光主佇地面上
262 懇求救主對我講明 Eb 詩123:1
1.懇求救主對我講明 纔能傳𧃸活命命令 我欲尋𧃸失迷子兒 如主導我到𧃸身邊
2.懇求救主引導幫助 我纔能牽搖泏的人 求主飼我使我養飼 心饑口渴𧃸眾子兒
3.賜我氣力勇健自在 徛佇石磐堅固無礙 予我伸出愛疼的手 救人脫離苦海憂愁
4.懇求救主大先教示 我纔能教寶貝真理 予𧃸的話飛入真深 到佇眾人隱密的心
5.將𧃸富有來賞賜我 予我的心得著充滿 熱熱心情熱切言語 報揚仁愛謳咾我主
6.求主用我雖然卑微 各時各位趁𧃸旨意 到𧃸榮光使我看見 有份佇𧃸平安歡喜
263 至聖的天父求𧃸俯落聽 G 羅13:8
1.至聖的天父求𧃸俯落聽，願𧃸賜聖神教示阮相愛；
溫柔又謙卑德行愈加添，逐日善克己愛人親像𧃸。
2.求𧃸引導我能謹慎生活，如佇𧃸面前顥出予𧃸看；
予阮能決心跟主的腳步，盡心愛別人注神看耶穌。
3.贊阮確實知𧃸時常近偎，阮雖罔軟弱𧃸的氣力大；
地上艱苦事圍阢到失志，獨獨這相愛予阮勿放離。
264 天父上帝至大至尊 D 約14:14
1.天父上帝至大至尊 子兒當來祈禱 咱有欠缺上帝有恩 好膽倘對祂討
2.祈禱法度當靠耶穌 咱人都無功勞 若無耶穌的確無路 耶穌做咱中保
3.上帝聖神助咱的心 教示祈禱法度 聖神感動咱識較深 愈久愈能進步
4.懇求上帝聽咱祈禱 時時照顧無離 因為耶穌大大功勞 賞賜永遠福氣
5.懇求上帝赦咱罪過 予咱極怨惡事 咱人心肝聖神感化 就能歡喜服事
265 我若貪戀世間福氣 X 西3:2
1.我若貪戀世間福氣 天父求𧃸禁止 我若所求合𧃸旨意 俯落聽𧃸子兒
2.使我感恩安靜的心 各時知足歡喜 賞賜聖神恩典極深 助我常常愛𧃸
3.或活或死全無驚惶 歡喜做𧃸的子 用𧃸的光來照頭前 路途加倍光明
266 主歡喜聽人祈禱 G 太7:11
1.主歡喜聽人祈禱 咱當切意對祂討 祂本身叫咱進前 好物豈不給咱用
2.你賛就至大人君 好膽盼望大施恩 祂權能恩典格外 出佇你求不過多
3.我不堪得來近倚 主可憐擦消罪過 基督寶血洗罪孽 予我心神變聖潔
4.𧃸所屬者求𧃸管 物得准對敵侵犯 時時照顧又引導 降落聖神與我住
267 祈禱的時此時極好 D 詩55:16f
1.祈禱的時此時極好 我心脫離俗情煩惱 又倘就近天父面前 將心所愛祈禱無停
我曾遇著災禍艱難 祈禱的時能得平安 又我專心祈禱的時 能使魔鬼與我相離
2.祈禱的時此時極好 天父歡喜聽我祈禱 萬物主宰極其富有 迫切懇求祂就賞賜
天父教我與祂親近 欲我信靠受祂大恩 今將各項掛慮靠祂 歡喜聽候祈禱的時
3.祈禱的時此時極好 予我的心並無煩惱 盡一世人信這祈禱 臨終氣斷各項都好
彼時靈魂離開身軀 就能見著愛我的主 無再煩惱無再傷悲 永遠享受天堂福氣
268 無始無終的光 A 王上8:28
1.無始無終的光 遍照久久長長
天頂地下萬物 光亮都是由𧃸 目睭看不到𧃸座位 心肝不明榮光尊貴
2.求父賞賜恩愛 我倘敬畏服事
㥣過一切的愛 予我聽𧃸的聲 求主使我脫離罪過 倘踮光明與𧃸永住
3.洗我罪跡清氣 敬拜才有合宜
一生清潔心神 覲𧃸美妙的面 清氣的手舉高敬拜 救主基督使我服事
4.跪落佇主面前 謙卑祈禱無停
主𧃸復來的時 用愛思念子兒 佇𧃸聖國由𧃸恩惠 賜我謙卑奴僕的位
5.我今懇求拜跪 天父賞賜恩惠
憐憫𧃸的奴僕 日日加添祝福 恩典榮光都歸佇𧃸 直到代代永遠無離
269 救主開路又設法度 Bb 太6:33
1.救主開路又設法度 予人服事祈禱敬拜 咱靠祂義趁祂教示 用心誠實懇求就得
2.阮人的父佇天賛坐 願𧃸名聖人人尊敬 天國臨到聖旨應效 佇地面上如天一樣
3.日日所食給阮夠額 免得介慮後日的事 別人罪愆我有赦免 自己逆天求赦按睨
4.勿得試阮驚能背叛 救出罪惡倘享真福 國權榮光天父齊全 代代永遠心正所願
270 阮父上帝坐天頂 Bb 太6:9
1.阮父上帝坐天頂 願𧃸尊名做至聖 天國臨到聖旨成 佇地面上如天城
2.阮人各日所當食 懇求天父賜夠額 阮欲赦免人失錯 求主擦消阮罪過
3.勿得使阮受迷惑 救出罪惡與橫逆 國權榮光到永遠 歸佇上帝心所願
271 願我愈行與主愈倚 G 詩23:3a
1.願我愈行與主愈倚 享受屬天安寧 欣慕路上大光照我 導到羊羔座前
2.起頭我覲著主彼時 所得幸福何處 由主的話心靈振起 所得體驗何處
3.早前享受平安日子 想了極其甜蜜 現今只有苦痛空虛 世間不能充實
4.至聖鴿子平安使者 願𧃸復再降臨 我罪趕𧃸佇外面徛 旦我怨慼傷心
5.我心所愛偶像罪過 不管它是什麼 助我由𧃸座位遷徙 只有來敬拜𧃸
6.我就欲行與主近倚 心神平靜安寧 純潔真光做前導我 直到羊羔座前
272 我今專心迫切祈禱 Ab Ab 羅8:26
1.我今專心迫切祈禱 愛得天父大恩 求父帶念我的中保 賞賜佇此時候
2.願父顯出榮光的面 照我心肝光明 予我如子與父相親 能合天父性情
3.我心欣慕真理的神 求𧃸此時降臨 助我祈禱盼望深信 且有併空的心
4.我若遇著艱難鬱啐 懇求救主安慰 心內憂悶嘴講不出 聖神替我嘆氣
5.我心深信全無訝疑 直直盼望施恩 所求若合天父旨意 立刻得著應允
273 懇求天父與阮住 G 詩136:1
1.懇求天父與阮住 暝日看顧保護我 教我聖潔且誠實 予我行為能正直
2.雖有危險與引誘 予我知𧃸大拯救 各項惡事迷惑我 聖手扶持又引導
3.雖然快樂且安穩 也無忽略𧃸救恩 助我能行𧃸旨意 纔能使𧃸大歡喜
4.艱苦厭倦𧃸安慰 予我與𧃸無離開 苦疼艱難善吞忍 甘願承受𧃸救恩
5.各項好事助我行 纔能合做𧃸的子 到佇末日歸佇𧃸 永遠與𧃸同徛起
274 求主施大恩 G 提前2:5
1.求主施大恩，予我來親近；我心欣慕深深意愛，情願此時誠心敬拜；
求主降落來，永踮我心內，永踮我心內。
2.求主𧃸出聲 叫我相與行 我心憂悶深深煩惱 甘願靠主就能消無
求主永看顧 以後免煩惱 以後免煩惱
3.求主做中保 使我長倚靠 我犯罪過千千萬萬 憂悶介慮鬱啐艱難
求主伸手牽 滿心大平安 滿心大平安
4.求主導我行 我心免驚惶 我若艱難遇著破病 𧃸能顧我如佇身邊
耶穌曾講起 我無放拺𧃸 我無放拺𧃸
5.求主與我住 榮光給我看 我真歡喜永遠歸𧃸 我愛與𧃸永無相離
求主同徛起 永遠無相離 永遠無相離
275 至好朋友就是耶穌 F 箴18:24
1.至好朋友就是耶穌，擔當罪過與煩惱；真正咱有大大福氣，萬事都倘從祂討；
心肝常常失落平安，沓沓掛慮艱苦事；這是從咱�𡢞陴`信，�𡢞釧韙艄瘞U主。
2.敢採遇著憂悶試煉，抑是甚麼大煩惱；的確不倘常常失志，得將逐項來祈禱；
豈有朋友到即盡忠，甘願體貼萬災禍；耶穌知咱心的軟弱，將這苦事來祈禱。
3.設使倦懶都無氣力，親像挑擔將跋倒；至大救主咱倘親近，萬事都倘從祂討；
朋友若有看輕厭賤，倘將這事來祈禱；主能用手遮截保護，心倘安然免煩惱。
276 時刻我欠用主 Eb 詩86:1
1.時刻我欠用主 極大慈悲 當聽我主的聲 就能歡喜
[和]求主永踮我心裡時刻與我佇賛 我欣慕此號福氣 我來就𧃸
2.時刻我欠用主 𧃸若近倚 試煉都無氣力 倘迷惑我
3.時刻我欠用主 無論禍福 求𧃸與我無離 纔有安樂
4.時刻我欠用主 至聖至善 真愛做𧃸的子 久長無變
277 阮的救主耶穌 D 太11:29
1.阮的救主耶穌 謙卑且溫柔 阮要來就近𧃸 願𧃸聽阮求
2.憐憫阮的軟弱 阮真快跋倒 望𧃸歡喜俯落 赦免阮失錯
3.求𧃸看顧子兒 佇地上生活 予阮學𧃸謙卑 赦免阮罪過
4.各日引導指示 聖經做光燈 主耶穌是正路 導阮到天頂
278 上帝原本是我牧者 Ab 詩23:1
1.上帝原本是我牧者，賞賜逐項夠額；青翠草埔予我倘徛，溪水清淨來吃。
2.因為魔鬼迷我靈魂，有時去行失錯；上帝顯明慈悲大恩，找我趕緊再t。
3.雖然行到死地所在，我亦呣冕得驚；上帝保庇�𤴓|受害，予我安穩去行。
4.上帝破開對敵的計，設筵保我性命；桌排滿滿無t
倘下，福氣無欠一件。
5.上帝款待按睨的好，我心呣敢忘恩；盡一世人行祂真道，時時刻刻敬尊。
279 主踮我心內沒驚惶自在 Eb 詩3:3
1.主踮我心內沒驚惶自在，此世間只有𧃸是我所愛；
暝日我心神數念𧃸沒停，𧃸做我光燈予我有光明。
2.主做我智慧予我倘偎靠，逐時刻踮佇𧃸受𧃸照顧；
𧃸做我天父我做𧃸的子，𧃸與我結連我與𧃸同行。
3.世間沒一項比𧃸較寶貝，因為𧃸屬佇我永遠未廢；
𧃸是我一切我要信靠𧃸，天頂的君王世間沒倘比。
4.天頂的君王予我會得勝，願𧃸導我到天永住天庭；
或是有艱難抑是大變遷，我決斷隨主永遠沒厭倦。
280 我愛朝覲天父的面 Bb 詩51:10
1.我愛朝覲天父的面 勿得趕我遠遠 心內欣慕上帝聖神 不倘給我斬斷
2.聖神扶持使我堅固 復享得救的福 上帝道理我去傳播 惡人醒悟降服
3.天父上帝赦我死罪 助我感謝吟詩 大聲謳咾永遠不廢 播揚上帝仁義
4.燒祭禮物主無歡喜 若愛我就欲獻 心內嘆氣反悔謙卑 天父都無厭賤
5.降落大恩教會興旺 耶穌聖國建置 萬民靠主暝日敬奉 上帝鑒納歡喜
281 救主﹗我親近𧃸 e 撒上3:9
1.救主我親近𧃸，心注神要聽；我旦虔誠等候，盼望𧃸出聲。
2.救主我心饑餓 今求𧃸養飼 𧃸的話是活命 天真餅是𧃸
3.救主求𧃸顯出 𧃸榮光的面 感化我心愛𧃸 堅固我的信
4.救主我獻本身 都無屬自己 歡喜做𧃸差用 專專歸佇𧃸
5.懇求主來指示 𧃸的聖旨意 都照主好意思 疑待𧃸子兒
282 我心大歡喜,我的嘴得吟詩 D 詩37:4
1.我心大歡喜我的嘴得吟詩，感謝上主至大仁義，
佇日時謳咾佇暝時我感謝，按睨服事亦無夠額。
2.我心所敬愛我至好的牧者，羊群踮𧃸處都無驚，
青翠的草埔𧃸歡喜導阮去，予阮倘與𧃸同歡喜。
3.曠野大沙埔我有時行迷路，彼時我心神真艱苦，
雖然對敵來敢看輕且恥笑，尚且主予我倘求叫。
4.萬民當親近我的主我人君，聲音好聽面貌溫純，
天使與世人同歡喜出大聲，謳咾我的主聖尊名。
5.我心所欣慕大仁愛主耶穌，是𧃸愛我替我開路，
真理與活命只有𧃸能賞賜，我歡喜感謝𧃸久久。
283 求主上帝施大恩 G 賽61:10
1.求主上帝施大恩 聖國臨到滿地面 倚靠救主𧃸的名 陰府權勢阮無驚
倚靠救主大恩惠 阮身卑賤成尊貴 和項是由主恩典 不論何事心安然
2.求主恩惠賜落來 阮雖軟弱得徛在 無驚見誚與艱苦 決意跟主行天路
雖行艱難的路站 如準陰府真黑暗 求主顯出大榮光 予阮與𧃸踮樂園
3.使阮記得𧃸的愛 做𧃸真實好的子 因為𧃸是天人君 阮當服事心敬尊
阮有切意對主求 𧃸大恩賜阮承受 感謝懇求用誠心 求主俯落聽阮吟
284 我欣慕救主耶穌 F 詩63:1
1.我欣慕救主耶穌 因為罪惡滿滿 心肝黑暗有犯罪 靈魂如死一般
欲得清氣的水泉 予我罪過洗清 是對基督的寶血 得著贖罪成聖
2.我欣慕救主耶穌 求𧃸施大權能 感化我心能勇健 時刻眷顧無停
我欣慕主的仁愛 予我路上快樂 堅固我心無訝疑 扶持助我信服
3.我欣慕救主耶穌 至好朋友是𧃸 深深安慰可憐我 照顧無論生死
我愛得主的慈悲 𧃸知各人掛慮 亦知各項的試鍊 體貼憂悶苦事
4.我欣慕救主耶穌 盼望覲𧃸的面 倘看天父的榮光 知祂恩典無盡
主血所贖的子兒 我與趩同歡喜 吟詩謳咾主耶穌 佇天永遠見𧃸
285 我有至好朋友 Eb 歌2:16
1.我有至好朋友耶穌屬我 祂能使我得救
耶穌屬我世間快樂緊退 朋友交陪快疏 我倘安心無改耶穌屬我
2.惡尚佇我心內耶穌屬我 對敵計謀陷害
耶穌屬我倚靠救主得勝 能得稱義成聖 較贏對敵權能耶穌屬我
3.雖然到老且貧耶穌屬我 我信靠祂幫助
耶穌屬我我欠缺主補足 祂寶血能替贖 盼望有好結局耶穌屬我
286 慈愛的父﹗所愛的主 D 可6:31
1.慈愛的父所愛的主 求赦阮得罪𧃸
又賞賜阮心神正義 予阮用聖潔服事𧃸 心存敬虔吟詩
2.阮欲學習在早使徒 佇加利利的海
受主揀召家業無愛 專心跟主入神靈界 常常歡喜服事
3.阮今欣慕心神恬靜 親像踮高山頂
救主與父交陪情景 助阮學主心得安寧 加添愛主心情
4.阮愛安靜又大恭敬 尋主滿心歡喜
能倘聽𧃸至好教示 願𧃸助阮承受真理 如食嗎哪滋味
5.求𧃸施恩如天落雨 洗除鬥爭怨聲
求𧃸除阮憂愁驚惶 亦當助阮所講所行 有𧃸和平相愛
287(193) 救主我愛就𧃸 G 雅4:8
1.救主我愛就𧃸，較偎近𧃸；雖然得背十架，求𧃸扶持。我心時常吟詩，
[和]救主我愛就𧃸；救主我愛就𧃸，來就近𧃸。
2.雖然遇著出外，無t
倘歇；更深暗暝罩我，靠頭用石。眠夢猶原欣慕，
3.夢中看見天開，榮光出現；上帝施落恩惠，天地相連，天使對我招呼，
4.睡醒歡喜紀念，謳咾吟詩；所過悽慘煩惱，成伯特利；苦境變做聖路，
288 愛疼真光大黑暗包圍中 Ab 詩43:3
1.愛疼真光大黑暗包圍中，求𧃸導我；暗暝更深離開真遠家鄉，求𧃸導我。
扶持腳步倘行平坦路途，無想情景，站站引導保護。
2.我前未曾求𧃸的大氣力 來引導我，自專揀選無愛受主管轄；旦得導我。
我前奢華雖有驚惶搖泏，驕傲的心，予我謙卑近偎。
3.永遠權能的確給我祝福，穩當導我；經過荒埔抑是死蔭山谷，穩當導我。
光明顯現聖徒天使相連，朋友親人，接我享福萬年。
289 咱人欲行天路 Ab 詩119:35
1.咱人欲行天路，應該日日進步；好膽進前時刻無停，不倘心志冷冷。
2.天堂門路大開 耶穌與咱做堆 予咱換新改惡品行 保咱佇父面前
3.天堂門路正直 咱行心當誠實 無貪世間錢財富貴 無使私慾連累
4.天路透到永活 咱行心當開闊 致意引導別人來行 大家同到天城
5.懇求聖神引導 予咱智慧充滿 愈久愈明天堂情形 顯出真實德行
290 佇伯特利出現的神 Eb 創28:15
1.佇伯特利出現的神 尚賛飼𧃸百姓 列祖受𧃸引導憐憫 經過厭倦路徑
2.阮旦來獻祈禱立誓 佇𧃸施恩座前 願阮列祖所靠上帝 做阮上帝無停
3.人生各站複雜路途 求主導阮腳步 賜阮日日所食米糧 供給合用衣裳
4.為阮展開保護的翼 到阮飄流停止 就阮靈魂平安到處 天父可愛厝宅
5.此號福氣阮今懇求 由𧃸慈悲聖手 𧃸就做阮所揀真神 做阮福份無盡
291 透到天堂永活所在 Bb 太7:14
1.透到天堂永活所在 這門這路狹狹迫礙 門內路上少少有人 愛入艱難少行到透
2.愛到天堂私慾著離 且當謹慎嘴目與耳 各項所做都照法度 約束七情勿得錯誤
3.勿得貪財金銀寶器 勿得害人利益自己 的確不倘講白賊話 無怨是長勿妒是幼
4.驕傲的心當變謙卑 當愛別人親像自己 當來服事真活上帝 當靠耶穌負十字架
5.嘆氣咱人都總軟弱 愛行天路氣力未足 懇求上帝降落聖神 助咱去行好事到盡
292 天路人客有福氣 F 來11:13
1.天路人客有福氣 向前勿得停止 認主耶穌來做頭 隨祂安穩跑走
2.咱著專心來做工 如主歡喜救人 學主耶穌的致意 饑餓亦無失志
3.救主所夯的十架 這是為咱做祭 祂所戴莿仔冕旒 是為救咱所受
4.心目由信覲耶穌 存盼望來欣慕 由仁愛無嫌艱苦 一切歸主耶穌
5.天路人客倘歡喜 仰望天堂福氣 世間小許的憂愁 成做榮光冕旒
293 天國君王眾子兒 Eb 賽35:10
1.天國君王眾子兒 咱行天路當吟詩 救主耶穌功勞闊 咱當謳咾都不息
2.昔前聖徒行天路 現時咱跟趩腳步 主的快樂趩有份 咱的福氣亦近近
3.咱小羊群真有福 天父歡喜賜咱國 倘與基督受榮顯 冕旒尊貴已經便
4.天國交界離無遠 今當甘願受苦勸 救主耶穌做頭前 注神看祂都無停
294 上帝百姓佇曠野 D 約6:32
1.上帝百姓佇曠野 無倘飲食無倘徛 天父看見趩艱苦 憐憫幫助開活路
2.摩西奉命打石磐 忽然流出活水泉 上帝從天降嗎哪 百姓日日食到飽
3.咱人暫住地面上 如佇曠野一般樣 心神饑餓愛飲食 得著耶穌就夠額
4.耶穌就是天真餅 身軀打破救性命 寶血流出能止渴 養飼學生到永活
5.咱受聖神大恩典 好膽經過重試煉 遇著對敵能較贏 到尾穩當上天城
295 勇敢堅固聖徒 Eb 詩119:54
1.勇敢堅固聖徒 更贏眾艱苦 不論好歹境遇 跟隨我救主
雖有失望餒志 反轉愈有勇氣 從起頭所欣慕 向前行天路
2.遇著憂悶傷悲 四面都包圍 試煉攪擾空空 信仰無搖動
雖然遇著對敵 尚且靠主能力 益發堅心奮鬥 向前行天路
3.救主施恩保護 得聖神幫助 阮知行盡路程 倘承接永生
免驚四面風聲 無予環境較贏 暝日堅心奮鬥 向前行天路
296 耶穌召我來行天路 D 賽41:13
1.耶穌召我來行天路，導我向前日日進步，世間無論危險艱苦，救主耶穌時刻保護。
[和]我的救主基督耶穌，全能的手時刻保護。我愛盡心做𧃸學生，𧃸大施恩親手保護。
2.無論遇著煩惱艱苦，抑是得行平坦路途，無論海面抑是山頂，各時各位主永保護。
3.我旦伸手扲主耶穌，我行天路主善招呼，世間禍福都無定著，主伸聖手牽我保護。
4.旦求救主常常照顧，賞賜聖神扶持幫助，到尾較贏死失權勢，盡一世人得主保護。
297 至大上帝願𧃸導我 Ab 賽42:16
1.至大上帝願𧃸導我，穩過今世曠野地。我真軟弱𧃸大權能，用手牽我無犯罪。
天的米糧天的米糧，求𧃸永永養飼我（養飼我），求𧃸永永養飼我。
2.活命水源求𧃸賞賜，我心口渴大欣慕。火柱雲柱求𧃸顯出，導我頭尾行天路。
全能求主全能救主，賜我氣力永保護（永保護），賜我氣力永保護。
3.後日行到約但河墘，驚惶訝疑免纏絆。殺贏死失地獄的主，保我穩到迦南岸。
我就吟詩我就吟詩，永遠感謝謳咾𧃸（謳咾𧃸），永遠感謝謳咾𧃸。
298 耶穌仍導路 G 來12:2
1.耶穌仍導路到天堂門戶 道路雖然淒清難行
阮愛堅心好膽進前 願主伸手牽到祖家平安
2.天路雖冷靜對敵雖強盛 不准訝疑驚惶纏阮
不准信心盼望離阮 對敵雖真多到祖家穩能
3.阮若有煩惱祈禱就消無 雖然又再遇著試煉
求主助阮吞忍無倦 天開給阮看憂悶就消散
4.耶穌仍導路到天堂門戶 天頂救主猶原指示
常常安慰扶持保庇 予阮穩當到踮佇天父兜
299 咱當出歡喜的聲 G 太13:39
1.咱當出歡喜的聲 感謝謳咾主的名 五穀已經收回來 無驚風颱大損害
主上帝替咱安排 所有好物入厝內 當入聖殿來敬拜 謳咾上帝大仁愛
2.全世界受主管理 出產多多榮光祂 麥與稗同時落地 相與長成至路尾
大先開花就結子 然後收成至清氣 阮愛成為好果子 予主歡喜收入去
3.咱的主再來彼時 收割所種歸佇天 到時佇咱地面上 罪惡莿棘都燒熔
主的天使將臨到 用火燒稗是最後 總是所有好五穀 予主收入真快樂
4.願主耶穌緊再來 最後收成入厝內 聚集𧃸的眾子兒 予趩得釋放歡喜
求𧃸洗趩到清氣 予趩與𧃸永徛起 求𧃸帶天軍緊來 導阮入榮光所在
300 阮犁田播好種子 A 徒14:17
1.阮犁田撒好種子，無久就會發芽，這是從主大氣力，雨水時常灌沃，
冬天落雪蓋地上，熱天濕氣培養，再賜清風與日光，甘雨潤澤田園。
[和]四圍各項好物， 是主所賜福氣，得感謝主來感謝主，因為祂大恩賜。
2.萬物無論是遠近，是從主來生存，路邊花草祂裝飭，祂使星光閃閃，
颶頭風浪順服祂，鳥隻是主養飼，何況咱是主子兒，米糧祂能排比。
3.天父阮旦謳咾𧃸，感謝𧃸大慈悲，撒種收割食穿用，𧃸賜福都無停，
旦阮愛報主恩典，求接納阮所獻，謙卑感恩的心情，是𧃸所愛德行。
301(24) 奇妙君王我主耶穌 D 林後6:16b
1.奇妙君王我主耶穌 勝利顯赫的主 𧃸如甜蜜口難傳播 喜樂是𧃸所有
2.𧃸若一旦入阮心裡 真理發光感化 屬世虛華就能走離 仁愛的火不灰
3.地上真光我主耶穌 火與活命本源 贏過所識喜樂無數 以及人所欣羨
4.願阮心裡承認𧃸名 時常來敬拜𧃸 心肝熱切尋𧃸到成 益發擒住無離
5.願阮嘴舌永遠讚美 對𧃸愛疼敬重 時常佇阮言行舉止 顯出主𧃸形像
302 救主我思念𧃸的時 G 彼前2:7a
1.救主我孝念𧃸的時，甜蜜充滿心懷，總是見𧃸與𧃸徛起，更較甜蜜意愛。
2.阮眾人類的主基督，尊名甜蜜無二，口雖說明心難測度，別位無名倘比。
3.懺悔心靈所望的神，人類喜樂的主，慈悲憐憫角落罪人，找𧃸就得恩賜。
4.找著的人福氣偌大，舌筆難表出來，耶穌的愛偌大偌深，祂愛的人才知。
5.只有耶穌做阮喜樂，做阮報賞極大，做阮榮光阮主基督，直到永遠無束。
303 上帝的子基督 Eb 弗5:19f
1.上帝的子基督 永做萬福源頭
常常施恩賜福 親像河水長流 感我的心助我的嘴 稱謝謳咾救主恩惠
2.上帝慈悲仁愛 永遠都無移易
天頂萬萬聖使 熱心謳咾至極 咱人受恩比趩更深 應該感謝益發熱心
3.昔我無跟牧者 離開羊群遠遠
耶穌遍行曠野 尋我來導倒轉 祂流寶血放拺自己 救我靈魂永活無死
4.時刻我受大恩 心內真愛報答
常常服事敬尊 祈求天父鑒納 總是主恩都未倘報 所行所做無成功勞
5.求主幫助養飼 予我能行好事
久長與我徛起 永做心神的主 我欲服事日日勤勤 播揚尊名謳咾大恩
304(39) 我旦勸恁得獻自己 Eb 羅12
1.我旦勸恁得獻自己，來做聖潔活祭，這是上帝心所歡喜，神靈服事無假。
2.不得與此世間相款，變化換新心志，明白上帝善良純全、倘歡喜的旨意。
3.忖度自己不倘㥣過，照你信心份量，咱佇基督成做一體，逐體都有功用。
4.所得恩賜各不相同，辦事忠實認真，先知教師善教示人，幫助得用實心。
5.歡喜憐憫愛得無假，怨恨惡親近好，敬愛兄弟宛然一家，熱心常常祈禱。
6.供給聖徒愛出外人，得祝福沒咒詛。同樂同憂款待相同，心志不得好高。
7.恁得專心圖謀好事，盡力相和忍耐，因為伸冤在佇上主，得用好較贏歹。
305 我活是為基督 G 腓1:21
1.我活是為基督，死得利益有福，我的心目向主的國，做𧃸盡忠奴僕。
2.無論智慧本事，抑是尊貴富裕，都獻予主做𧃸器具，做主祿用久久。
3.無論困苦饑餓，抑是憂悶煩惱，亦為著主盡力傳報，厭倦失志都無。
4.為主負十字架，好膽進前無退，盡忠到死都無放下，為主拼命到尾。
306 我的性命獻予𧃸 G F 羅12:1
1.我的生命獻給𧃸 做𧃸路用到一世 時刻暝日獻給主 歸榮光𧃸萬年久
2.我的手愛𧃸命令 為著我主做差用 我腳亦愛為𧃸獻 常常替𧃸行無倦
3.我的聲音給𧃸用 歡喜謳咾主無停 我獻口唇來振動 播傳福音來救人
4.我的錢銀獻給𧃸 用出都趁𧃸旨意 我的才情𧃸賞賜 甘願還𧃸做器具
5.我的愛疼求主助 愛𧃸贏過此世間 今我立志獻自己 永永專專歸與𧃸
307 求主導我與𧃸同行 E Bb 帖前1:3b
1.求主導我與𧃸同行，謙遜服事人類路途；予我學𧃸有力倘擔，一切得磨艱難困苦。
2.贊我善用愛疼的話，夠額感化如石的心；贊我阻止自專腳步，導人來信救世福音。
3.予我學𧃸謙卑吞忍，與𧃸交陪愈久愈深；相與作工信心堅固，掃除罪惡靠𧃸本身。
4.希望的光大照燦爛，照我頭前的路開闊；救主賞賜真實平安，予我終身與𧃸生活。
308 聽見救主出聲賛叫 Eb 賽6:8
1.聽見救主出聲賛叫，什麼人欲去做工？田都到時稻也熟熟，什麼人欲去收冬？
救主真久就賛叫你，祂報賞實在極大；是誰歡喜隨時應說：我佇這差我差我。
2.設使未會去到真遠，來播揚福音真聲；恁的厝邊四圍有人，未嘗聽救主的名。
設使獻銀未到成千，也會跟寡婦一厘；為著救主歡喜做工，祂會鑒納賜福氣。
3.雖然言語不比天使，傳道理不達保羅；你會播揚主的愛疼，予人明救世真道。
設使�𤴓|叫醒歹人，予趩知後日審判；你會引導都總小子，牽趩來予主手按。
4.勿得閒閒徛賛推辭，我無力倘做啥工；世間眾人日日沉淪，主愛你贊祂救人。
歡喜聽趁救主命令，盡力做福氣是大；主賛叫你緊緊得應：我佇這差我差我。
309 主講：若欲做我學生 G 可8:34
1.主講若欲做我學生 抬你十架隨我進前 甘心樂意抬你十架 誠實謙卑的心來隨
2.抬你十架無嫌重擔 主必幫助壯你的膽 抬你十架不免驚惶 主的氣力扶持軟茈
3.勿驚見誚抬你十架 將你愚戇驕傲放下 看你的主都無推辭 十字架頂甘願受死
4.抬你十架勇敢無驚 得主氣力危險平定 較贏墳墓死失權勢 導你直到平安祖家
5.隨主基督抬你十架 至你臨終不倘放下 只有抬他十架的人 倘得榮光冕旒盼望
310 人生風波擾動沒停 Bb 太4:19
1.人生風波擾動沒停，耶穌召咱得進前；日日顯出仁愛的聲：信徒隨我免驚惶。
2.加利利海主曾出聲，叫安得烈隨祂行；家庭親戚以及工程，都放拺為主拼命。
3.耶穌叫咱放拺世間，榮華富貴是空空；除去一切偶像虛華，眾信徒得愈愛我。
4.無論憂悶抑是歡喜，著磨抑是閒的時；境遇好壞主猶叫說：得愛我贏過都總。
5.耶穌叫咱咱得來聽，從主憐憫隨祂行；獻阮心肝順趁聖旨，服事愛𧃸到一世。
311(174) 救主耶穌奇妙的名 Eb 太1:21
1.救主耶穌奇妙的名 聖徒欣慕愛聽 安慰傷悲醫好傷跡 趕出一切驚惶
2.這名能救受傷靈魂 除去煩惱憂悶 饑餓心神能得安慰 厭倦能得歇睏
3.我主𧃸是石磐盾牌 是我逃閃所在 做我寶貝永不敗壞 充滿恩典仁愛
4.耶穌做我牧者朋友 先智祭司君王 做我活命道路拯救 求接納我尊崇
312 出日落雨是主所定 G 路22:42b
1.出日落雨是主所定 兩項都是花木欠用 憂悶歡喜都有利益 養飼靈魂堅固信德
賜福降災𧃸所注定 天父願𧃸旨意得成
2.有孝的子豈能變面 怒氣來嫌所愛父親 天父予我有孝的心 愛𧃸敬𧃸信𧃸愈深
將來景況雖然無定 天父願𧃸旨意得成
3.生命我知是𧃸所賜 不論好歹無嫌境遇 死的蔭影遮我的時 堅固盼望我心無疑
或活或死我都無驚 天父願𧃸旨意得成
313 救主耶穌我立志 F 約12:26
1.救主耶穌我立志 永遠要跟我主 願𧃸常常近倚我 我主至好朋友
救主若踮我心裡 與惡交戰穩贏 救主導我來進前 正路穩當能行
2.目睭所看能迷我 世間的惡我驚 求主永與我同在 予我聽𧃸的聲
對敵時時欲害我 圍我踮我心內 救主求𧃸近倚我 靠𧃸就不受害
3.救主𧃸有應允阮 若用盡心跟𧃸